Popular Bible Verses from लूका 13

Share

ईसू हर ओके ला कहीस, “परमेस्वर कर राएज में, सकेत दुरा ले ढूके कर कोसिस करा, काबरकि मंए तुमन ला कहथों, कि ढेरेच झेमन ढूके बर करहीं, बकिन ढूके नई सकहीं।

ओजग एगोट सवांगीन रहीस, जेके ला अठारह बछर ले, एगोट दुस्टआत्मा धरे रहीस, अऊ एकर चलते ओहर कुबरी होए गए रहीस, अऊ ओहर कईसनोच कएर के सोज ठड़होए नई सकत रहीस। ईसू हर ओके देख के बलाईस अऊ कहीस, “ए सवांगीन, तंए अपन बेमारी ले ठीक होए गए।”

तेकर ईसू हर ओकर ऊपरे अपन हाथ ला मड़हाईस, अऊ ओहर झटेच के सोज होए गईस, अऊ परमेस्वर कर महिमा करे लागीस।

अऊ सुना, तनिक झेमन पाछू हवें, ओमन आगू होए जाहीं, अऊ तनिक झेमन आगू हवें, ओमन पाछू होए जाहीं।”

जे घनी घर कर मालीक हर उईठ के, दुरा ला हुरेक देहे रही, अऊ तुमन बाहरी ठड़होए के, दुरा ला खटखटाए के कईहा, ‘ए परभू, हमर बर दुरा ला उघाएर दे’ अऊ ओहर जबाब देही, ‘मंए तुमन ला नई जानों, तुमन कहां कर लागा?’

नहीं, मंए तुमन ला कहथों, बकिन अगर तुमन पाप ला छोंएड़ के, परमेस्वर कती नई अईहा, त तुमन सबेच झन ओमने कस नास होए जईहा।”

बकिन ओहर कही, ‘मंए तुमन ला नई जानों, कि तुमन कहां कर लागा। ए बुरा काम करोईया मन, मोर जग ले दुरीहां भाएग जावा।’

फेर ईसू हर कहीस, “परमेस्वर कर राएज हर कोन कस हवे? मंए ओकर तुलना काकर ले करों।” ओहर सेरसों कर बिहन कस हवे, जेला कोनो मईनसे हर अपन बारी में बुनीस, अऊ ओहर बाएढ़ के रूख होए गईस, अऊ चराई मन, ओकर डार में रहे बर खोंता बनाईन।