Popular Bible Verses from लूका 12

Share

तंहू मन हमेसा तियार रहा, काबरकि जे घनी ला तुमन सोंचे भी नई रईहा, ओही घनी मंए मईनसे कर बेटा आए जाहूं।

बकिन सबले आगू, परमेस्वर कर राएज ला खोजा, त ए सब जाएत हर तुमन ला मिल जाही।”

ते घनी ईसू हर ओमन ला कहीस, “तुमन सवाचेती रहा, अऊ सब मधे कर लालच ले, अपन-आप ला बचाए रहा, काबरकि ककरो जीवन हर, ओकर जग ढेरेच संपतीयो रहे ले, नई बांचही।”

काबरकि जिहां तोर खजाना रही, उहां तोर मन हर भी लगे रही।”

का तुमन चिंता कएर के, अपन जिनगी ला, एको तनिक बड़हाए सकत हवा? बिलकूल नहीं।

फेर ईसू हर अपन चेला मन ला कहीस, “तेकर ले मंए तुमन ला फूरोंच कहथों, कि रोज दिन अपन जिनगी कर चिंता झईन करीहा, कि हमन का खाबो अऊ का पहिरबो।

तुमन कर मूड़ कर, सबेच चुंदी हर गनल गईस हवे, एकरले तुमन झईन डरावा, तुमन तो ढेरेच गोरेला मन ले भी, परमेस्वर बर किमती हवा।

“ए छोटे भेंड़ मन कर झूंड, झईन डरावा, काबरकि तुमन कर दाऊ ला एहर बढ़िहां लागीस, कि तुमन ला अपन राएज में राखही।

कऊंआ मन ला देखा, ओमन नई बुने अऊ नई लुएं, अऊ ओमन कोठी में अनाज ला नई राखें, तबो ले परमेस्वर हर ओमन ला खवाथे। तुमन कर कीमत हर परमेस्वर बरीक तो, ओ चराईयो मन ले केतना बईड़ के हवे।

अऊ तुमन ए बात कर खोज में झईन रईहा, कि का खाबो कि का पीबो, अऊ तुमन ए बात मन कर चिंता झईन करीहा।

अगर परमेस्वर हर एतना बढ़िहां, ए फूल मन ला पहिराथे, जेमन आएज हवें अऊ काएल आगी में लेसल जाहीं, त तुमन बिस्वास काबर नई करा, कि परमेस्वर हर तुंहू मन ला एकरो ले बढ़िहां पहिराही?

ओ दिन आवत हवे, जे घनी सबेच बात मन ला परगट करल जाही; अऊ जेहर लुकाल हवे, ओला मईनसे मन कर आगू बताल जाही।