Popular Bible Verses from यूहन्ना 19

Share

जे घनी ईसू हर ओ रस ला चिखीस, त ओहर कहीस, “सब जाएत हर पूरा होए गईस” अऊ मुड़ ला नवाए के, अपन परान ला छोंएड़ देहीस।

तेकर ईसू हर, जाएन गईस कि अब सब जाएत हर पूरा होए गईस हवे, तब ओहर पबितर किताब कर लिखल बात ला, पूरा होए बर एकस कहीस, “मोके पियासत हवे।”

जे घनी ईसू हर अपन दाई, अऊ ओ चेला जेकर ठन ओ ढेरेच मया करत रहीस, लिघे ठड़होवल देखीस, त अपन दाई ला कहीस, “ए दाई, देख, एहर तोर बेटा लागे।” तेकर ईसू हर अपन ओ चेला ला कहीस, “एहर तोर दाई लागे।” अऊ ओही घनी ले ओ चेला हर, ईसू कर दाई ला अपन घरे ले गईस।

बकिन जब ओमन ईसू ठन आए के, देखीन कि ओ मएर गईस हवे, तेकर ले ओमन ओकर गोड़ ला नई टोरीन। बकिन सिपाही में ले एक झन हर एगोट भाला ले, ईसू कर पांजर ला बेध देहीस, अऊ ओमे ले तुरतेंच लहू अऊ पानी निकलीस।

ए गोएठ हर एकर बर होईस, ताकि पबितर किताब कर लिखल बचन हर पूरा होए “ओकर एकोठे हाड़ा हर टोरल नई जाही।” पबितर किताब कर अऊ एगोट दूसर जघा में एकस लिखल हवे कि जेमन ओके बेधीन हवें, ओमन ओके देखहीं।

“तेकर ओमन ईसू ला ले गईन। अऊ ओहर अपन कुरूस ला डोएह के, बाहरी निकलीस अऊ ओ जघा में गईस, जेला ‘खोपड़ी कर जघा कथें’ अऊ इबरानी भासा में एला ‘गुलगुता’ कथें।

अऊ सिपाही मन कांटा कर मुकूट बनाए के ओकर मूड़े खाएप देहीन, अऊ ओमन ईसू ला एगोट भंटा रंग कर ओढ़ना ला पहिराईन।