Popular Bible Verses from यूहन्ना 15

Share

मंए अंगूर कर नाएर लागों, अऊ तुमन ओकर डार लागा। अगर कोनो मोर में बने रथे अऊ मंए ओमे बने रथों, त ओहर ढेरेच फरथे। काबरकि तुमन मोर बिगर कांहीच करे नई सखिहा।

तुमन मोर में बने रहा अऊ मंए तुमन में बने रहूं। अगर डार हर अंगूर कर नाएर में बने नई रही, त ओ डार हर अपन आप में फरे नई सके, ओही कस अगर तुमन मोर में बने नई रईहा, त तुंहूच मन फरे नई सखिहा।”

अगर तुमन मोर में बने रईहा, अऊ मोर बचन तुमन में बने रही, त तुमन जे जाएत चाहथा, ओला मांगा अऊ ओहर तुमन के देहल जाही।

तुमन मोके नई चुने हवा, बकिन मंए तुमन के चुने हों, अऊ ठहराए हों कि तुमन जाए के ढेरेच फर लाना, अऊ तुमन कर फर हर बनल रहे कि तुमन मोर नांव ले जे जाएत दाऊ जग ले मांगिहा, ओहर तुमन के देही।

सबले बड़खा मया एहर लागे कि कोनो हर अपन संगता मन बर, अपन परान ला देथे।

जे डार हर मोर में ले निकलीसे अऊ नई फरे, ओला ओहर काएट देथे अऊ ओ डार जेहर फरथे, ओला ओहर छांटथे, तेमेकि अऊ फरे।

मोर हुकुम एहर लागे कि जेकस मंए तुमन जग मया करे हों, ओही कस तुंहू मन एक दूसर जग मया करा।

मोर दाऊ कर महिमा एही में होथे कि तुमन ढेरेच अकन फर लाना, तब तुमन मोर चेला ठहरिहा।

तेकर ईसू हर अपन चेला मन जग कहीस “सही अंगूर कर नाएर मंए लागों, अऊ मोर दाऊ हर किसान लागे।

अगर कोनो मईनसे मोर में बने नई रही, त ओला एगोट डार नियर काएट के फेंक देहल जाथे अऊ ओहर झुराए जाथे। त ओला मईनसे मन सकेल के आगी बाएर देथें, अऊ ओहर जएर जाथे।

मंए ए बात मन ला, तुमन के एकरले कहें कि मोर आनंद तुमन में बने रहे, अऊ तुमन कर आनंद पूरा होए जाए।

मंए अपन दाऊ कर हुकुम मन ला माने हों, तेकर ले हमेसा मंए ओकर मया में बने रथों। ओही कस अगर तुंहू मन, मोर हुकुम मन ला मानीहा, त मोर मया में बने रईहा।

ए बात कर हुकुम मंए तुमन ला एकरले देहथों, तेमेकि तुमन एक दूसर ले मया करा।

अगर तुमन संसार कर रहता, त संसार कर मईनसे मन तुमन ला अपन समेझ के मया करतीन। बकिन तुमन संसार कर ना लागा, काबरकि मंए तुमन ला संसार में ले चुईन के अलगे करे हों, ओकरे ले संसार कर मईनसे मन तुमन जग बैर राखथें।