Popular Bible Verses from यूहन्ना 14

Share

मंए तुमन के सांती देके जाथों अऊ अपन सांती ला तुमन के देहत हों। जेकस संसार कर मईनसे मन सांती देथें, ओकस मंए तुमन के नई देवों। तुमन कर मन हर झईन घबराए अऊ झईन डराए।

ईसू हर ओके कहीस, “डगर, सचाई अऊ जीवन मंहीच लागों, मोर बिना कोनो दाऊ जग नई जाए सके।

ईसू हर कहीस, “तुमन कर मन हर बेयाकुल झईन होए, तुमन परमेस्वर कर ऊपरे बिस्वास रखा, अऊ मोरोच ऊपरे बिस्वास रखा।

बकिन ओ मदेत करोईया मानेकी पबितर आत्मा, जेला दाऊ हर मोर नांव ले भेजही, ओहर तुमन के सब बात मन ला सिखाही, अऊ जे जाएत मंए तुमन के कहे हवों, ओ सब ला तुमन के सुरता देवाही।

जेहर मोर हुकुम ला मानथे अऊ ओमे चलथे, ओहीच हर मोर जग मया करथे। अऊ जेहर मोर जग मया करथे, ओकर जग मोर दाऊ मया करही, अऊ मंहूच ओकर जग मया करहूं अऊ मंए अपन-आप ला ओकर ऊपरे परगट करहूं।

मंए दाऊ ले बिनती करहूं कि ओहर तुमन ला अऊ एगोट मदेत करोईया ला देही, अऊ ओहर हमेसा तुमन कर संगे रही। ओहर सचाई कर आत्मा हवे, जेला संसार कर मईनसे मन अपनाए नई सकें, काबरकि संसार कर मईनसे मन तो ओके ला नई देखें, अऊ ओके ला नई जानें। बकिन तुमन ओला जानथा, काबरकि ओहर तुमन कर संगे रथे अऊ ओहर तुमन में रही।

जे जाएत तुमन मोर नांव ले मांगिहा, ओला मंए देहूं, ताकि बेटा कर द्वारा मोर दाऊ कर महिमा होए। अगर तुमन मोर नांव ले मोर जग कांहीच मांगिहा, त ओला मंए करहूं।

अगर तुमन मोर ठन मया करथा, त मोर सब हुकूम मन ला मानीहा।”

मोर दाऊ कर घरे ढेरेच अकन रहे कर जघा हवे, अगर नई रतीस, त मंए तुमन के कईह देतें, काबरकि मंए तुमन बर जघा तियार करे जाथों।

जब मंए जाए के, तुमन बर जघा तियार करहूं, त फेर आए के मंए तुमन के अपन ठन ले जाहूं, तेमेकि जिहां मंए रहूं उहां तुंहूच मन रईहा।

थोमा हर ईसू ला कहीस, “ए परभू, हमरे नई जानी कि तंए कहां जाथस, त फेर हमरे डगर ला कईसे जानबो?”