Popular Bible Verses from Marcos 2

Share

Usai quia cuaquin ca Jesusan cacëxa: —Paë tancëma uni, ax ca rucuturúan a ronti cuëënima. Paë tancë uni, ax cuni ca rucuturúan a ronti cuëënia. Usaribiti cana ꞌëx an —ꞌëx cana asábi ꞌai —quixun sináncë unicama a ꞌëmia catamënun cai uáma ꞌain. Ama, an —ꞌën nuitu ꞌaisama ꞌaish cana ꞌëxbi upí ꞌitima ꞌai —quixun sináncë unicama a cuni upí ꞌinuxa ꞌëmi catamënun cai cana ꞌëx uacën.

Nanpáquin ca —Jesusan ca ënë uni pëxcuti ꞌicë —quixun aín nuitu mëu sináncëxa. Sinania atun sinan ꞌunánquin ca Jesusan ñucë uni cacëxa: —Min ꞌuchacama ca tërë́ncë ꞌicë —quixun.

Ësaquinribi ca Jesusan cacëxa: —Unia ñu mëëtancëx tanti cushitëcënti cupí ca Nucën Papa Diosan a nëtë tantiti mëníocëxa. A nëtën ca tantiti ꞌicë quixuinshi sinánun ca Nucën Papa Diosan uni unioma ꞌicën.

Bëxun ca ꞌitsa unia tsitsíruan anun atsínmiti ꞌaíma ꞌain, tapitinën buánrutancëxun, xubu manan tapuacë anua Jesús ꞌicë puntë́bi cha oquin bërúaratancëxun, aín bacë́tinuabi nanpácëxa.

Nucën Papa Diosan cushínshi ꞌën ënë uni pëxcuia isquin camina asérabi ꞌunánti ꞌain, uni ꞌinux Nucën Papa Diosnuax uá, ꞌën cana unin ꞌucharibi tërë́nti ꞌai quixun. Caquin ca racábucë uni cacëxa: —ꞌËn cana mi cain, niruquiani ca min bacë́ti bibiani min xubunu cuantan.

ꞌËn cana ñucë uni ënë —min ꞌuchacama ca tërë́ncë ꞌicë —quixun cananbi —niruquiani ca min bacë́ti bibiani cuantan —quixunribi cati ꞌain.

Cacëxëshi niruquin aín bacë́ti bibiani ca a uni, anu ꞌicë unicaman ismainunbi cuancëxa. Usaría cuania isi ratuti ca Nucën Papa Dios rabi quicancëxa: —Ësa ñu cananuna isáma ꞌain.