Popular Bible Verses from Mateo 26

Share

Mitsux ꞌëx cuëëncësoi ꞌiisa taníbi camina asérabi usai ꞌiman. Usa ꞌain camina ꞌuchati rabanan ꞌuxti tëai Nucën Papa Diosbë banati ꞌain.

Usai ꞌiquin ca acama cacëxa: —Cana ꞌaisamaira masá nuitutin. Micamax ca ënu tiquit. ꞌAíshbi camina ꞌëmi sinani ꞌuxtima ꞌain.

Cabiani ꞌurira cuani memi bëúmpucuti racábuquin ca aín Papa Dios cacëxa: —Papan, mix cuëëncëbëtan cana ꞌën bërí paë tantima ꞌain. Usa ꞌaínbi cana ꞌëx cuëëncësa oi ꞌitima ꞌain, mix cuëëncësa oíshi cana ꞌiti ꞌain.

ꞌËn imi ꞌapati ꞌëx bamacë cupí ca ꞌaisamaira unix aín ꞌuchacama tërë́ncë ꞌaish Nucën Papa Diosnan ꞌiti ꞌicën. Ënëx ca a ꞌapati ꞌëx bamati a ꞌicën.

Usaquin cacëxuan aín ꞌunánmicë unicaman pimainun ca Jesusan pán biquin Nucën Papa Dios —asábi ca —catancëxun, pán tucapaxun ꞌinánquin atu cacëxa: —Ënë ca pit. Mitsúnmi piti pán ënëx ca ꞌë ꞌicën.

Cacëxun a páncama pian ca Jesusan uvas baca anu ꞌarucë xampa biquin, Nucën Papa Dios pain —asábi ca —catancëxun aín ꞌunánmicë unicama ꞌinánquin cacëxa: —Camaxunbi camina ënë uvas baca ꞌati ꞌain.

Usaquin catancëx cuanquin aín ꞌunánmicë unicama ꞌuxcë mëraquin ca bësúnquin Pedro cacëxa: —¿Uisacatsi caramina ꞌëmi sinanima bënëtishi ꞌuxan?

ꞌËn cana mitsu cain, ësa uvas baca cana ënuxun ꞌatëcëniman. ꞌËn Papan nëtë anua axa aín unicaman ꞌApu ꞌicë, anuxun cuni cana mitsubëtan ꞌatëcënti ꞌain.

Banacëbëtan ca Pedronën ësaquian Jesusan cooncë bana sináncëxa: ꞌAtapa banatisama ꞌain camina min isamina ꞌë ꞌunáncëma ꞌai quixun rabë́ ꞌimainun achúshi oquin uni paránti ꞌain. Usoquian Jesusan cooncë bana sinani ca Pedro ëman chiquiti masá nuituirai bëunan mëscuti iancëxa.

Cuanun ca nirucuatsin. An ꞌë unin binun ꞌinánti uni ca aia.

Pabíscaiabi ca Jesusan cacëxa: —Min manë xëtocë a ca aín xacánu ꞌarutëcën. Axa manë xëtocën ꞌacanancë unicama ax ca anúnribi ꞌacë ꞌiti ꞌicën.