Popular Bible Verses from Mateo 20

Share

Usa ꞌaínbi camina mitsux usai ꞌitima ꞌain. Uix cara bëtsi unisama ꞌiisa tania, an ca mitsúxmi upitax bucunun ñu mëëquin ꞌaquinti ꞌicën. Uinu ꞌicë mitsux caramina aín cushi uni ꞌiisa tani, an ca mitsu ñu ꞌaxúnti ꞌicën, ꞌën ꞌacësaribi oquin. Uni itsían ñu mëëxunun cana ꞌëx uni ꞌinux Nucën Papa Diosnuax uáma ꞌain. ꞌËx cana unicamaxa upí ꞌianan upitax bucuti oquin ꞌaquini uacën. ꞌËx ꞌuchañuma ꞌaísh bamatsianxmabi cana camabi uníxa Nucën Papa Diosbë upí ꞌinun atun ꞌucha ꞌënansa ꞌain bamai uacën.

A unin —ñuumara ca ax ꞌicë —quixun sináncë uni a ca Nucën Papa Diosan aín sinan upí ꞌunánquin a uníxa cha ꞌicë isti ꞌicën. ꞌImainun ca unin iscë́xa cha ꞌicë uni, a Nucën Papa Diosan aín nuitu ꞌunánquin ñuumara isti ꞌicën. ꞌAisamaira unia ainan ꞌinúxa ꞌëmi catamënun sinánmicëxbia ꞌicëbëtanma ca axa ꞌëmi catamëcë ashi Nucën Papa Diosan ainan ꞌinun ꞌimia.

Usaquian cacëxun nuibaquin ca Jesusan atu bëmëëacëxa. Bëmëëcëxuinshi ca isacëxa. Isi cuëënquiani ca Jesúsbë cuancëxa.