Popular Bible Verses from Mateo 15

Share

Usa ꞌaínbi ca uni masáquin sinani ꞌatimati banaia. Aín nuitu upíma ꞌain ca usai banaia. Usa ꞌicë Nucën Papa Diosan iscëx ca uni ꞌatima ꞌicën. Aín nuitu mëu ca unin ꞌatima ñu ꞌati sinania, uni ꞌati, aín xanuma ꞌaínbi xanubë ꞌiti, xanu cuaioti, uni itsin ñu mëcamati, cëmëi uni itsimi manánti, uni itsi ñui ꞌatimati banati.

Aín ñu picë cupíma, aín nuitunën ꞌatimaquin sinania, aín cuëbitan upíma banan banacë a cupí ca Nucën Papa Diosan uni upíma isia.

Ënë unicaman ca aín cuëbitanshi ꞌë rabia, ꞌixunbi ca aín nuitu mëu ꞌë sinanima. Nucën Papa Diosan bana isa quixun ca unínbi ñuicë banaishi unicama ñuixunia. Usa ꞌixun ca ñancábi ꞌë rabia. Isaíasnën cuënëo bana quicësabi oi camina mitsux ꞌin.

Cacëxun ca Jesusan cacëxa: —Mix camina asérabi ꞌëmi catamëti ꞌën mi upí oquin ꞌaquinun quiax ꞌëmi sinan. Usa ꞌain ca mix cuëëncësabi oi ꞌiti ꞌicën. Quixuan cacëbëshi ca aín ini tuá pëxcúacëxa.

Cacëxun cuaquinbi ca a tanáin rantin puruni tsóbuquin a xanun cacëxa: —Camina ꞌën tuá ꞌë pëxcuxunti ꞌain. Cacëxun ca —judíos unicama pain ꞌaquini cana uacën —quixun sinánquin Jesusan ësaquin cacëxa: —Tuá xura pimiti bixunbi camun pimiti ca ꞌaisama ꞌicën. Cacëxun ca a xanun cacëxa: —Usa ca. Usa ꞌaínbi ca cuënan tëmúxun aín ꞌibúan rëupatia piti sani camunan piia.