Popular Bible Verses from Lucas 13

Share

—Bai chucúma anun atsínti ca sinan. Cana asérabi mitsu cain, ꞌitsa unix ca anun atsínti sinanibi anun atsíntima ꞌicën.

Ñuixunmainun ca achúshi xanu dieciocho baritian ꞌinsíncë anu ꞌiacëxa. A xanux ca ñunshin ꞌatimanën ꞌimicëx catúbua ꞌaish chairucëma ꞌiacëxa. Usa ꞌicë isquin cuënxun ca Jesusan cacëxa: —Min ꞌinsin ca nëtë́axa, camina pëxcúcë ꞌain.

Caquian ramëcëxëshi ca chairui asábi ꞌiacëxa. Usai ꞌiquin ca Nucën Papa Dios rabiacëxa.

A unin —ñuumara ca ax ꞌicë —quixun sináncë unicama a ca Nucën Papa Diosan aín sinan upí ꞌunánquin a unicamaxa cha ꞌicë isti ꞌicën. ꞌImainun ca a unin iscë́xa cha ꞌicë unicama a Nucën Papa Diosan aín nuitu ꞌunánquin ñuumara isti ꞌicën.

Ësa ca: Xubu ꞌibun ca niruquin xubu xëcuë xëputi ꞌicën. Xëpucë camina mitsun ëman nixun xëcuë taxcaquin —nu ca xëócaxun —quixun cati ꞌain. Cacëxunbi ca mitsu cati ꞌicën: Uinuax ucë caramina mitsux ꞌai quixun cana ꞌunaniman.

ꞌËn cana mitsu cain, ca usama ꞌicën. Mitsúxribi mitsun ꞌucha ëni ꞌëmi sinanacëma ꞌaish camina atúxa ꞌicësaribiti bamai cëñúcë ꞌiti ꞌain.

Cacëx ca quiti ꞌicën: Cana mitsu can, uinuax ucë caramina ꞌai quixun cana ꞌunaniman. Ñu ꞌatima ꞌacë ꞌaish camina mitsux ꞌëbë ꞌitima ꞌain. Ca cuantan.

Jesusan ca ësaquinribi cacëxa: —¿Nucën Papa Diosan cara ainan ꞌiti unicama uisoquin ainan ꞌimiti ꞌic? ¿Uisa ñuribi ñui caranuna a ñui quiti ꞌain? Ënëx ca ësa ꞌicën. Mostaza bëru chamaratsu a ca unin bixun aín naënu ꞌapatia. ꞌApácëx cani iisaribi ꞌinun pëñanacëcëbëtan ca manan nuáncë ñuinacaman anu noia. Usaribiti ca Nucën Papa Diosan unicamax ꞌitsamashi pain ꞌiaxbi ꞌitsaira ꞌitánun uatia.