Popular Bible Verses from Lucas 11

Share

Mitsux ꞌatima uni ꞌixunbi camina mitsun bëchicë upí ñu ꞌinanin. Mitsúnmi ꞌacësamaira oquin ca Nucën Papa Dios naínu ꞌicë, an a ñucácë uni aín Bëru Ñunshin Upí abëa ꞌinun ꞌinánti ꞌicën.

Usa ꞌain cana ꞌën mitsu cain, ui unin cara Nucën Papa Dios ñucáquin caia a uni ca Nucën Papa Diosan ꞌinania. Ënëx ca ësa ꞌicën: Bari bariquin ca unin ñu mëraia. ꞌImainun ca unían bëtsi unin xëcuë taxcaia cuaquin a xubunu ꞌicë unin xëocaxunia. Usaribi oquinmi mitsun ñucáquin cacëxun ca mitsun bana cuaquin Nucën Papa Diosan mitsux cuëëncë ñu mitsu ꞌaxunti ꞌicën.

Usa ꞌain cana ꞌën mitsu cain, ui unin cara Nucën Papa Dios ñucáquin caia a uni ca Nucën Papa Diosan ꞌinania. Ënëx ca ësa ꞌicën: Bari bariquin ca unin ñu mëraia. ꞌImainun ca unían bëtsi unin xëcuë taxcaia cuaquin a xubunu ꞌicë unin xëocaxunia. Usaribi oquinmi mitsun ñucáquin cacëxun ca mitsun bana cuaquin Nucën Papa Diosan mitsux cuëëncë ñu mitsu ꞌaxunti ꞌicën.

Cacëxun ca Jesusan cacëxa: —Nucën Papa Diosbë banaquin camina ësoquin cati ꞌain: ꞌËn Papa Dios, naínu ꞌicë, mix camina asérabi min sinan upíira ꞌain. —Usa camina mix ꞌai —quiax ca camabi uni mi ñui upí banáinshi banati ꞌicën. Aín ꞌApu ꞌicëa camabi unin mi rabiti cana cuëënin. Usaquian mi ꞌanun camina ꞌimiti ꞌain. Min nëtënuxuan ángelcaman ꞌacësaribi oquian ënë nëtënuxun unicaman mix cuëëncësabi oquin ꞌati cana cuëënin. Usaquian ꞌanun camina ꞌimiti ꞌain.

Unían nu ꞌatimocëxunbinu aribi ꞌatimoquinma a ñucama sinánquinma manucë ꞌain camina nuxnu ꞌuchacëcama nu tërë́nxunquin manuti ꞌain. Ñunshin ꞌatimanën ꞌapúan nu ñu ꞌatima ꞌamixunma ꞌanun camina nu bërúanti ꞌain.

Bërí nëtën camina nun piti anun nux tsóti a nu ꞌinánti ꞌain.

Lamparínën pëcacëbëtan ca unin bëruñu cupíshi an pëcacë ñucama ꞌimainun xabá isia. Min bëru upí ꞌain camina upí oquin isquin min ñu mëëti ꞌati ꞌain. Min bëru ꞌaisama ꞌain camina xabá isquinma min ñu mëëti upí oquin ꞌatima ꞌain, bëánquibucënuxun ꞌacësoquinshi camina ꞌati ꞌain. Usaribiti camina Nucën Papa Diosan ꞌimicëx min sinan upí ꞌianan an sinánmicë ꞌaish min sinan an pëcacësa ꞌain. Usa ꞌaínbi camina an sináncësaribi oquin sináncëma ꞌaish bëánquibucënu nicësa ꞌain.

Ësaquinribi ca Jesusan cacëxa: —Uinu ꞌicë unínbi ca lamparín bimitancëxun xubu amo unëquin nanima. ꞌImainunribi ca bunánti buinaxun anun mapuquin nanima. Usoquinma ca axa xubunu atsíncë unicaman upí oquin isnun bimitancëxun anu lamparín nanti anu nania.