Popular Bible Verses from यूहन्ना 16

Share

इंज्नी इनी बातो आपेटे इनिघल्जी मंडीके होय कि आपेन इंजा वोजीटे शांती घटायु। दुनिया गेन आपेन ताखलिफ सेहसेन होना पेनो हिम्मत डोए, इंज्नी दुनिया खाट कोरो शैतान के हरातिंज्केनेच होय।”

पेनो देटेन आत्मा होय जो परमेश्वर गा बारेन सत्य के ओडेवा होय, देटेन हेजेवा मेटे आपेके परमेश्वर बारेन जो सत्य होय समझातिंजकोम्बा, चोयाकी देटेन हेजा हाक टे बान मंडी, पेनो देटेन परमेश्वर गा कोंटे आजुमेबा डीका मंडेबा एठा हेजे मिनी बातो आपेके घालेवा।

आए टाएन आपेनी इंजा हाक टे चोचका बान आसीडुका, आसिकी घाटाऊवा ताकी आपेगा खुशी पुरायु होना।

फिरभी इंज आपेटे सच्चो मंडीवा होय, कि इंजा सेने आपे घल्जी अच्छा होय चोयाकी अगर इंज बान सेने मेटे देटेन मदत मिठाच आपेगा मेरान बान हेजे। पेनो अगर इंज सेनेवा मेटे डीचके आपे मेरान कुलेच्बा। मदत मिठाच हेजेवा। देटेन दुनिया कुरकू के पापी, एठा धार्मिकता दडावा एठा परमेश्वर गा न्याय गा बारेन यकीन जेबा, कि डी गलत बाने होय।

इनिका रिती टे आपेन नका कासु होय, पेनो इंज आपेटे डाबोलटे मिलातिंजुवा एठा आपे खुशीवा। एठा आपेगा खुशी आपेटे जेका बान सा। डी टेमो आपे इंजाटे चोचका बान कोकाम्बरा। इंज आपेटे सच्चो-सच्चो मंडीवा मेना, अगर आपे इंजा जीमू गेन बाटे टे चोचकाभी आसेवा, मेटे देटेन आपेके जेबा।

इंज आपेटे सच्चो-सच्चो मंडीवा मेना, इंजा गुजू बादोन आपे जाम्बा एठा कासून थंदळवा, पेनो दुनिया कुरकू खुशी ममानातिंज्बा। आपेन कासु डाऊवा पेनो आपेगा कासु जब आपे इंज्के डाबोलटे डोकोम्बा खुशी गेन बदलाऊवा।