Popular Bible Verses from यूहन्ना 15

Share

इंज अंगूर गा ईली मेना: आपे डंगोलनौर होय। जो इंजा गेन पक्का थंदळ, एठा इंज दियेन पक्का थंदळजू, मेटे देटेन घोनेच जाऊवा होय। इंजा अलाग्गोऊ टासो आपे चोचकाभी बान दडा।

आपे इंजा गेन पक्का थंदळे एठा इंज आपे गेन पक्का थंदळवा। जैसा डंगोल अगर अंगूर गा ईलीन पक्का बान थंदळ मेटे हेज खुद टे बान जाऊ, डीका रोंगो टे आपे चोचकाभी अच्छा बान दडा अगर आपे इंजा गेन पक्का बान थंदळ।

अगर आपे इंजा गेन पक्का थंदळे एठा इंजा शिक्षा आपे गेन पक्का थंदळवा, जो चोच्का आपे बाटे आसेवा, देटेन आपे घल्जी डाएवा।

आपेनी इंज्के बान कलामडुका पेनो इंज्नी आपेके कलाम्केमी होय एठा ठहरातिंज्केमी होय ताकी आपे सेने डो फल सेगे। एठा आपेगा फल पक्का थंदळकु, चोयाकी आपे इंजा चेलाकू होय, आपे बाटे टे जो चोचकाभी आसेवा देटेन आपेके जेबा।

जेका गा मेरान इनी गघाल घल्जी कि देटेन हेजा सोपतीकुटे प्यार दडावा होय, येनेटे खाट एठा तुनिका तारीखा बाऊ होय कि देटेन दिकुके बबाचातिंज गा घल्जी हेजा जान टाएन जेबा।

हरेक डंगोल जो इंजाटे जुळातिंजके होय एठा बान जाऊ, डीके डीच म्हागेवा होय एठा जो डंगोल जाऊवा होय डीके देटेन छटातिंजेवा होय, ताकी एठा जाऊजू।

“इंजा हुकूम इनी होय कि जैसा इंज्नी आपेटे प्यार डोके डेनेगोका आपे भी इनिज दियाटे प्यार डोए।

इंजा बाटे गा महिमा येनेटे डाऊवा होय कि आपे घोनेच जाऊगे मेटे का आपे इंजा चेलाकू ठहरातिंजूबा।

“साच्ची अंगूर गा ईली इंज मेना, एठा इंजा बाटे खिटी कामय कोरो होय।

अगर जेका इंजा गेन पक्का बान थंदळ, मेटे डीके म्हाटे टेप्पाएवा होय। जब इनी डंगोल लोखोळजुवा होय मेटे डीके जमाटे जुलेबा होय।

इंज्नी इनी बातो आपेटे इनिघल्जी मंडीके होय, ताकी आपेन भी डीका खुशी डायु जो इंजेन होय एठा आपेगा खुशी बळातिंजूका।”

अगर आपे इंजागा हुकूम गा पालन डाएवा, मेटे इंजा प्यार गेन पक्का थंदळवा जैसा इंज्नी इंजा बाटे गा हुकूम गा पालन डाके होय, एठा दियागा प्यार गेन पक्का थंदळवा मेना।

इनी बातो गा हुकूम इंज आपेके इनिघल्जी जेबा मेना ताकी आपे इनिज दियाटे प्यार डोए।”

अगर आपे इनी दुनिया कुरकू रोंगो धारे मेटे दुनिया गा कुरकू आपेटे प्यार दोडोवा, पेनो इनी वाजाटे कि दुनिया कुरकू टे रिश्ता बान दोडो चोयाकी इंज्नी आपेके दुनिया टे कलमकेमी होय। इनिघल्जी दुनिया आपेटे दुश्मानी दोडोवा होय।