Popular Bible Verses from ULANGEN 8

Share

Ingetlah maka TUHAN Dibatandu nge si mereken gegeh man bandu erbahanca kam bayak. Si enda ibahanNa sabap seh wari enda IA tetap setia nandangi perpadanen si ibahanNa man nini-ninindu.

IpelepasNa kam kelihen, e maka iberekenNa manna man panganndu, pangan si langa pernah ipanndu tah ipan nini-ninindu. IlakokenNa e, guna ngajar kam, maka labo pangan ngenca si pegeluhken manusia, tapi manusia nggeluh erdandanken kasakai si ikataken TUHAN.

Inget kuga TUHAN Dibatandu mabai kam i bas perdalanen si nggedang mentasi gurun pasir empat puluh tahun dekahna; i je iberekenNa melala kiniseran guna nguji kam, gelah ietehNa ukurndu, ntah iuekenndu perentahNa ntah lang.

Erkiteken si e, ndigan pe ola kam rukur maka kinibayakenndu e, e me erkiteken kuasa ras gegehndu jine.

“Jaga, maka ola ilupakenndu TUHAN Dibatandu. Ola silahken sada pe undang-undangNa si kubereken man bandu wari enda.

Ingetlah, maka TUHAN Dibatandu ngajarken ras ngukum kam bali ras sekalak bapa ngajarken anak-anakna.

Idatndu kai atendu ipanndu. Erkiteken si e ngataken bujur me kam man TUHAN Dibatandu, kerna taneh si mehumur si iberekenNa man bandu.”

E maka nggeluhlah rikutken kai si enggo iperentahken TUHAN man bandu: nggeluh lah rikutken undang-undangNa janah mbiar man baNa.

I bas gurun pasir e, iberekenNa manna man panganndu e me pangan si langa pernah ipan nini-ninindu pe. IberekenNa kiniseran lako nguji kam, gelah dungna banci ipasu-pasuNa kam alu kai-kai si mehuli.

Adi enggo idatndu kerina kai atendu si ipanndu, janah enggo ipajekkenndu rumah si mejile man inganndu, bage pe enggo ertambah-tambah lembu ras biri-birindu, emas ras pirakndu ras kerina erta-ertandu si deban, jaga maka ola meganjang ukurndu, jenari ilupakenndu TUHAN Dibatandu si enggo mulahi kam i Mesir nari sanga kam jadi budak mbarenda.

TUHAN Dibatandu maba kam ku taneh si mehumur, i ja melala ulu lau, lau, ras sumbul si erburak launa i bas baluren ras uruk-uruk. Taneh si mereken ulih gandum, jelai, buah anggur, buah ara, buah ndalima, saitun ras tengguli. I jah la banci kam kelihen, la banci kam kurang kai pe. Batu-batuna isin biji besi, i bas uruk-urukna banci ibuatndu tembaga.

“Ikutkenlah alu tutus kerina undang-undang si kubereken sendah man bandu, gelah banci kam nggeluh, dingen ertambah-tambah beliganndu, janah ngiani negeri si ipadanken TUHAN man nini-ninindu.

Kidekah empat puluh tahun e, uisndu pe la merigat ras nahendu pe la besar.

Ibabaina kam mentasi gurun pasir si mbelang si dem kebiaren i ja melala nipe si erbisa ras kacip gelang. I bas taneh kerah si la lit lau e, ibahanNa lau erburak i bas batu nari man bandu.