Popular Bible Verses from 1 RAJA-RAJA 3

Share

E maka berekenlah man bangku kepentaren ngerajai bangsaNdu alu kebujuren ras kebeluhen mbedaken si bujur ras si jahat. Adi la bage, i ja nge aku ngasup ngaturken bangsaNdu si mbelin enda?”

tentu Kubereken kai si ipindondu. Kubereken kepentaren ras pengertin man bandu lebih asa si lit i bas kalak si enggo leben ntah si pudin asa kam.

E maka nina TUHAN, “Erkite-kiteken ipindondu kepentaren ngerajai bangsa enda alu bujur, labo ipindondu umur gedang ntah kebayaken ntah pe kematen musuh-musuhndu

Kubereken pe man bandu kai si langa ipindondu: gedang-gedang geluhndu bayak dingen ermulia kam, lebih asa kebayaken ras kemulian raja-raja si deban.

Janah adi ikutkenndu katangKu, ipakendu Undang-undangKu ras pedahKu, bagi si ibahan bapandu Daud, Kubahan maka gedang umurndu.”

I bas berngi e teridah TUHAN man bana i bas nipi, janah isungkunNa raja, “Kai atendu Kubereken man bandu?”

O TUHAN Dibata, enggo ibereNdu aku nggantiken bapangku jadi raja, aminna gia aku nguda denga kal janah la kueteh kuga ndalanken dahin raja.

Meriah kal ukur TUHAN erkiteken ipindo Salomo si enda.

Ngaloi Salomo, “Enggo rusur icidahkenNdu kekelengenNdu si mbelin man bapangku Daud, suruh-suruhenNdu, janah mehuli ia, patuh, ras bujur man bandu, janah terus nge icidahkenNdu man bana kekelengenNdu si mbelin dingen tetap, alu mereken sekalak anak dilaki man bana si sendah enggo jadi raja nggantiken ia.

Enda aku ringan i tengah-tengah bangsa si enggo ipilihNdu jadi sikerajangenNdu, bangsa si teremna la terkira.