Popular Bible Verses from 1 RAJA-RAJA 18

Share

Aloi aku, TUHAN, aloilah, gelah ieteh bangsa enda maka Kam TUHAN Dibata kap, maka Kam nge si mabai bangsa enda mulihken man baNdu.”

Kenca seh paksana erbahan persembahen si karaben, ideheri Nabi Elia batar-batar e, jenari ertoto ia, “O TUHAN, Dibata Abraham, Isak, ras Jakup; cidahkenlah genduari maka Kam kap Dibata Israel, janah aku kap suruh-suruhenNdu. Pebetehkenlah maka kerina kubahan e arah perentahNdu.

Tedis Elia i lebe-lebe kalak ndai nina, “Asa kai nari dekahna maka banci ipetetapndu ukurndu? Adi TUHAN kin Dibata, sembahlah IA; tapi adi Baal kin Dibata, sembahlah ia!” Tapi sengkebabah pe la lit kalak ndai ngaloi.

E maka ipesusur TUHAN api; meseng ibahanna persembahen, ras ranting ndai, bage pe kerina batu ras taneh, janah lau si lit i bas parik ndai pe kerah.

Asum idah kalak ndai kejadin e, langkem ia minter kerina i babo taneh, janah nina, “TUHAN kap Dibata; TUHAN ngenca Dibata si man sembahen!”

Asum ia reh pepitu kaliken nina, “Kuidah embun si kitik asa tapak-tapak tan e belinna nangkih i lawit nari.” E maka iperentahken Elia man suruh-suruhenna, “To dahi Raja Ahap, suruh inangkihina geretana gelah mulih ku rumah maka ola tertahan ia ibahan udan e.”

Gegeh TUHAN reh mengketi Elia, ipekeskesina gendit jubahna, e maka kiam ia arah lebe Ahap terus ku Jisreel.

Kenca bage nina Elia man Raja Ahap, “To manlah kam genduari. Sabap kubegi sora udan reh erdeso.”

Nina Elia man suruh-suruhenna, “To ku das kam tatap kempak lawit.” Mulihken suruh-suruhen ndai nina, “Kai pe la lit kuidah.” Pitu kali ia isuruh Elia ku das janah natap kempak lawit.

Kenca bage nina Elia man jelma si nterem, “Mari terdeheren ku jenda.” E maka pulung kalak ndai ngkeleweti Elia. Ipesikapna batar-batar TUHAN si enggo iruntuhken mbarenda.

Kenca bage bere maka nabi-nabi Baal e ertoto man dibatana, janah aku ertoto man TUHAN. Apai kari si ngaloi pertoton e alu pesusur api, IA kap Dibata.” “Cocok!” nina kalak ndai kerina ngaloi.

Ibuatna sepuluh dua batu, sada guna tiap suku si sepuluh dua, si igelari rikutken gelar anak-anak Jakup, si kedungenna isambari TUHAN gelarna jadi Israel.

Kenca wari enggo pantek ciger mulai me iuru-uru Elia kalak e nina, “Tergangen ban sorandu! Ma dibata kin ia? Banci jadi sangana ia lolah, ntah sangana kuduru, ntah sangana ia i bas perdalanen si ndauh! Banci ka pe sangana tunduh, e maka terpaksa ingetindu ia!”

Alu batu e Elia majekken batar-batar e mulihken, man ingan persembahen man TUHAN. Ikalina parik sekelewet batar-batar e; parik e banci i isi lau kira-kira sepuluh empat liter.