Popular Bible Verses from 1 RAJA-RAJA 19

Share

Kenca ngadi linur ndai gurlah api, tapi TUHAN la lit i bas api e. Kenca nimpet api lit sora medate bagi sora erkusik.

janah Elia lawes sisada ku taneh si melenget sada wari perdalanen dauhna. Dungna seh ia ku sada batang kayu, e maka kundul ia cicio i je. Madin iakapna ia mate i je e maka ertoto ia, “Enggo me TUHAN, buatlah kesahku; madin me aku mate!”

“Ndaratken, tedislah kam i lebe-lebengKu i das tampuk deleng enda,” nina TUHAN man bana. Kenca bage mentas TUHAN, ibahanNa rembus angin kaba-kaba seh maka erbelah ibahanna uruk-uruk, janah batu iripukkenna. Tapi TUHAN la lit i bas angin e. Ngadi angin ndai rembus, jenari jadi me linur.

Kenca ibegi Elia sora e, itutupina ayona alu jubahna jenari ndarat ia, janah tedis i bas babah gua e. I je terbegi sora ngerana man bana nina, “Erkai kam i jenda, Elia?”

I das deleng e ibengketina sada gua, janah i je me ia erberngi. Rempet reh kata TUHAN man bana nina, “Erkai kam i jenda, Elia?”

Keke Elia, e maka man ras minem ia. Pangan e mereken gegeh cukup man bana lako erdalan empat puluh wari empat puluh berngi ku Deleng Sinai, deleng si badia e.

Medem ia i teruh batang kayu e, dungna tertunduh. Rempet lit sekalak malekat ngkuit Elia nina, “Kekeken Elia, manken!”

Reh ka mulihken malekat TUHAN ndai, iingetina Elia pedua kaliken nina, “Kekeken Elia, manken! Adi lang, la kari kam ngasup erdalan ndauh.”

Ngaloi Elia, “TUHAN Dibata si Mada Kuasa, man baNdu, man baNdu saja ngenca aku tetap ersembah. Tapi bangsa Israel enggo ngelanggar perpadanenna ras Kam; iruntuhkenna batar-batarNdu. Aku nari ngenca tading, janah aku pe ibunuhna atena.”

Ipernehenna ku sekelewetna, idahna sengkibul roti ras sada guci lau deherken takalna. Man ras minem ia, jenari ipedemkenna ka mulihken.

Itenahken Isebel berita man Elia nina, “I bas paksa si genduari e ka pagi, adi la kam mate kubunuh bagi pemunuhndu nabi-nabi e, ibunuh dibata gia aku.”

Tapi Kuserapken pagi pitu ribu kalak Israel si la ibunuh, e me kerina kalak si langa nembah erjimpuh man Baal ntah pe man gana-ganana.”

E maka berkat me Elia, idapetina Elisa sangana nenggala. Lit sepuluh dua pasang lembu sangana nenggala i je, janah Elisa i bas pasangen si arah pudina. Asum Elia mentasi Elisa, icabinken Elia jubahna man Elisa.

Mulihken Elisa, ibuatna lembu penenggalana ndai duana, igelehna. Alu make tenggalana e jadi rantingna, itanggerkenna daging lembu e, jenari iberekenna ipan kalak ndai kerina. Kenca bage berkat ia ngikutken Elia jadi suruh-suruhenna.

E maka itadingken Elisa lembuna, kiam ia ngayaki Elia nina, “Mulih aku lebe ngataken mejuah-juah man bapangku ras nandengku, jenari banci kuikutken kam.” Ngaloi Elia, “To mulihken! Kuambati kin kam?”