Popular Bible Verses from Maatiwoos Mishiraachcha 5

Share

Caakka caakkisaa sanfi woronne dissookkok ayyim bee'e. Ihukkaarem minenne yoo manni hundinam caakkisoo'isina qoffit beyyonne dissakkamo. Ee'isam manni ki'nnuwwika er baxo moo'aa iimanenne yoo ki'nnuwwina Anna galaxxoo'isina ki'nnuwwik caakki manni illagenne caakkona» yukko.

Ki'nnuwwim uullina caakkuwwa. Duu'n hanenne yoo beero'i maaxameena xanooyyo.

Wodano muccur keen Waa'a moo'llam bikkina maassaammuwwa.

Muccurooma mixxam keenii xeebe'llam keenii godditam bikkina maassaammuwwa.

Ihukkaarem an ki'nnuwwina kuroommo; ki'nnuwwi maso'o iittehe. Ki'nnuwwa hawwisoo keeninam Waa'a uunxehe.

Yesuus «Hanqo'i wodaninne ixxuwwi gaga heeshaa'llam keen Waa'ik adillan ixxuwwan ihu bikkina maassaammuwwa.

Manna iittansitam keen Waa'i ooso yamantam bikkina maassaammuwwa.

Kichche'llam keen Waa'i ixxuwwina qoxximma uwwoo bikkina maassaammuwwa.

Muccuroo'm bikkina hawwo aa'llam keen Waa'ik adillan ixxuwwan ihu bikkina maassaammuwwa.

Mannina haafitam keen Waa'im ixxuwwina haafoo bikkina maassaammuwwa.

I mashka'inne manni ki'nnuwwa game'lloohaare, hawwisoohaaree qophphanonnem jora wocukkuuyyi ki'nnuwwika summa bi'isoohaaree maassaammuwwa. Waa'i adillanonne siixxitakkam irifo'i lobakat ihu bikkina liirammehe; lobakat liiranchinnem heellammehe. Mashka'oomim ki'nnuwwiinsi gaassakka'a hiraagaanom hawwisakko'ookko» yukko.

Maashaalluwwi keen uulla lago aa'llam bikkina maassaammuwwa.

Odim Yesuus «Manni hundinam ki'nnuwwi sooqixxisa. Ihukkaarem sooqixxek xee'n bi'uta'n hinkid issakka'a xee'oo'isa issakkamo? Biiranne fissakka'a uunjakkamaare manni hancaacamookko bagaan mahinam awwaadooyyo.

Ee bikkina iimanenne yoo ki'nnuwwik anni muccur ihukkisam ki'nnuwwim mucculluwwi ikkehe» yukko.

Ee bikkina hanqi ihulas ‹hanqa› yi'llehe. Qophphan ihulas ‹qophphano› yi'llehe. Eehanniinsi lophphookkok joriinsette» yukko.

Odim Yesuus «Illi bikkina ille; inqi bikkinam inqe» yamamukkisa macceessakko'ookko. Ihukkaarem an ki'nnuwwina kuroommo; ki'nnuwwina jora issoo manchina jora issitakkotte. Ihukkaarem makki kolli xabano aphphisoohaannina odim qeddi kolli xabanom uwwe.

Ee bikkina kiikki makki illi baaxiilina mashka'i ihulas fissitaa uunje. Mashka'oomim ki orachchi hundim xoo'oobee'i giiranne darabamoohaanniinsi ki orachchika matooma hooggittaare e'llookko. Kiikki makki angi baaxiilina mashka'i ihulas muttaa uunje. Mashka'oomim ki orachchi hundim xoo'oobee'i giiranne aagoohaanniinsi ki orachchika matooma hooggita'n kiina e'llookko» yukko.