Popular Bible Verses from Yohanes 11

Share

Upepu pangeda, Yesusdi pepu. “Gam Bungdina Deiyo Ngebo cap, Gam Kuna Deiyo Ngebo cap, ne akunune. Ware ngebo do yuma, ne tep teka tenepnere ngeboda, er nong depmarya peda, gam pio kunkamre. Ware nesala do yuma, ne tep teka tenepmengedi, ne cap dipru dukdongopra kunge nesala yumada, sun nong depmenga peda, pio gampu kunkamenge. Apepmaken upuda, teka tenepmarem do?” Yesusdi Marta tep pepu.

Upepupa, Yesusdi tamupra pepu. “Gume, ‘Tek teneprumyopda, Allah er ila mambul kurya cap, ila mambul pel dorenge cap epkamrume,’ men pepkesi do?” pepu.

Upepipa, Yesusdi engenmau.

Upepra dokwetepreipa, yuk nengdi Yesus damai bena lap pepipa, gekepu. Yesusdi aupu gekepudi, upepu. “Apu jenmarepane, Lazarus men depkamre. Gume, apu jenmara deiyoda, ‘Allah er Mi Sisadi mambul pel dorepa, nimi epmengedi, uo angeboda ila mambule’ tenen, ‘Er si ereipkameng’ tenen, apu jerure. Allah er ila mambul kurya cap, ila mambul pel dopkamrenge cap epkamrume. Tonda, ‘Apu jenmare taru neitamai di, Allah er Mi Sisadi pel dopkamrea deiki di, nimidi Allah er si peda ereipkamenga’ tenen, apu jenmare,” Yesusdi pepu.

Yesusdi upepu dingeda, ila upu deiki di upepu, “Lazaruso, gel imir pumbon di, bura tara aca yarume,” pepu. Upepupa, adipapu depu ngebo Lazarus gam bukudi, agel imir pumbon di bura yanmau. Er yan cap, er buru cap, boun opkal di getepmaiyada, tupa kupmau. Tonda, er urasin getepdongomai opkalda tupa kupmau. Ukupka tep, Yesusdi awekmai nesala tep pepu. “Er nong peingna tep, getepmai opkal yuma kwiriprap loptapmumpa, Lazarus benkure,” pepu.

Lazarus er nong dopra gel imir dongopidi, ila gel dopra, agel imir buplan dekdongopi. Ortumi di konum peipmaipane, Yesusdi Lazarus nong dongopi gel imir damai yaudi, kange di ton cap ikin kange doupu.

Upepu dingeda, aupu ton pepu. “Nun kabo Lazarusda, mapmar dinin, nedi er tep gam bukra derirbenkune,” pepu. (Ara, Lazarus depmau atep, Yesusdi, “Lazarus mapmare,” pepu.