Popular Bible Verses from Yohanes 10

Share

Upula don nesaladi, upula dona cap, potamna cap, domba bisam yuma popra gawal dangna cap tep, yakanung dinin, neda adeiyo tep men yasi. Ne domba yuma gam pio kupmengedi, sun kun keca yuma cap, sun kunkamenge nge yuma cap, ‘Pio teleppu kunkameng’ tenen, yasi.” Yesusdi pepu.

Upepudi aupu ton pepu. Ne Yesusda, domba bisam peina deiyo ngebo utopu, pio telep ngebo kunune. Telep peina deiyo ngebodi, er gam kuna tep, ‘Ne mawa,’ men tenepredi, er domba tep er dipru cap, er gam kun keca cap karerure. ‘Ne domba kaleknyopda, ikin men kurure. Popnenunge’ tenen, men tenerure. ‘Popnenga peda telepe pua,’ tenerure.

Ne domba utopu nesala ne nyapuda, ne upu gekepra domyakanenunge. Nedi ne domba tep kael keamsi. Sundi ne tep domyakanenunge.

Nedi ne nyapu tep, gam pio kuna deiyo keca karepnepa, pio gam kunkamenge. Sun pio men depkamenge, men gum kupkamenge. Ware neng do yuma, ne nyapu ne buru pumbon talenepa, yuk nengdi dalupra men dopropnetenge.

Tonda, neda domba beilya buplan bisi utopu kunune. Ware nesala do yuma, ne deiki dipapu, ne bisipu wengbange nesala yumada, Allahdi lyepkamre. Lyepredi anesala tep kalekra melimreyopda, teleppu kunkamenge. Domba bisam bura embangedi, jen telepai epra jepmengedi, kange di ton cap beilya pumbon yakaramengtopu, ne nyapu sisada, daembangedi teleppu kunkamenge.

Sun tali pel dopra kunge nengda ukunung dinino, neda pio telep Domba Peina Deiyo Ngebo kunune. Ne talenun nesala yumada, konum kael keamsisi. Sunda ne domba utopu kununge. Ange utopu, ne talenun nesala, ne domba utopu nesala yumadi, ne tep konum kael keamnei.

Ne nai bo Allahdi ne tep anesala kareamneu. Allah erda, akeca-keca deiki tara kuredi, ila puto ngebo kurura cadi, ne nyapu er buru pumbon talerepa, nimidi dalupra men doproptenge. Ne cap, ne nai bo Allah cap nun tenpua.” Yesusdi pepu.

Ange yuma utopu, ne nai bo Allahdi kael keamneu. Tonda, nedi ne nai bo Allah tep, konum kael keamsi. Nedi, ne domba bisam tep nengeda, ne dipru cap, ne gam kuna cap karenune. Atep, ‘Popnenung’ tenena gum dipapu, ne domba tep, pio kalekra melimnune.

Ne gam kununada, nimidi dalupra men dopropnetenge. Dinino, ne kange dipu, ne pe nong karepnepa, popkamnenge. Ne gam kunada, nesala lyemna tep, karepkamnenge cap, kange di ton cap ne gam kuna dopropkamna capda, nedipu kunkamne. Adeiyo keca talepra kunune. Ne nai bo Allahdi, adeiyo keca karepneupa, dopropsi. Ne dena cap, ne gam kuna cap deiyo putoda, nepu talenune. Nimidi ne gam kuna dalupra men dopropnetenge. Yesusdi pepu.

Betapra men kael kepya tep nengeda, Yesusdi kange di ton cap aupu nong neitamai ngeda katuai di lap pepu. “Tek sisi pepsene. Neda, domba beilya buplan bisida, ne kunune.

Domba peina tep, ‘Pel dopkameng’ tenen, co bo karepmengepa, tali pel melimna nengda, domba peina deiyo ngebo kurya utopu men kununge. Sun tali pel melimna nengdi, domba tek sisi men talenunga cadi, yu kamdi, ‘Domba poptapra jepkun’ tenen, yakare taruda, atali melimna neng epmengedi, domba yuma tapra, sepra banunge. Sepra bendopmengopda, yu kamdi adomba bisam bulupmengai poryakarepa, domba yumadi kware tep, yuk-yuk bupra saka sepra banunge.

Yesusdi aupu pepu. “Tek sisi pepsene. Ware ngebo do yuma, domba bisam beilya buplan bisi gum dinin, inipredi, yukai di domba beilya pumbon wengre ngeboda, upula dorona ngebo kurure. Mali nengdi yuk neng keca dalupra dororamengtopu kurure.