Popular Bible Verses from Rasul 2

Share

Upepipa, Peterusdi tamupra pepu. “Sun yumada, sun mali kurumu keca cap, dipru mali teneramrumu keca cap, ‘Allahdi kaukepseredi nun malinge gum kupra deipkamser’ tenen, sun malinge yuma taprumudi, amnyo karikrap, Allah er tara keproprumupa, nunda Yesus er si deiki dipu me dongopkamsepe. Ukupmepyopda, Allahdi nun bicau tep, tali kareserur Lek Sambalada, karepserepa, dopropkamrume.

Yesusdi wepra deipu neng, sun peteremami upu gekeraminge cap, jen kikimanpu wisipra jeraminge cap, kikimanpu Allah mororaminge cap, bicau tenen, melimdaramidi, sun dipru dukdongoprap kikiman kurami. ‘Nun angepu ukuptepe’ tenen, putaramnga tep, yuk keca tenena gum di angepu kurami.

Sun nong deiki bukupa, Allah er Lek Sambala sun dipru wekra dinikudi talepka deiki di, sun yumadi yuk-yuk mutu nesala upu deiki di penmai. Ada, Allah er Lek Sambaladi upu pena deiyo keca karepka utopu, sun upu yuk-yuk penmai. Sun penmai upuda, men kael keami upu dinin, yuk-yuk mutu nesala perami upu penmai.

Kunmaipane, ila mungna mukudi, pung ila di peramretopu, ila lelim im deiki yaudi, sun bukmai ati pum dana-dana yuma wekudi, ila di pung penmau. Alelim penmaupa, sun yumadi lyemu urasin yambul utopu kupu keca epi dinin, akecada uku bu jeramretopu keca epipa, akeca bokra, sun nong deiki tenpu-tenpu yana buku. Sun nong deiki bukupa, Allah er Lek Sambala sun dipru wekra dinikudi talepka deiki di, sun yumadi yuk-yuk mutu nesala upu deiki di penmai. Ada, Allah er Lek Sambaladi upu pena deiyo keca karepka utopu, sun upu yuk-yuk penmai. Sun penmai upuda, men kael keami upu dinin, yuk-yuk mutu nesala perami upu penmai.

Ukuramidi, tumi-tumi yuma, Yahudi yala neng, sun mali kurami keca kunumna tep, Allah er si eremna tep karerbarami ati damai bulupra wengbarami. Tonda, sun ati-ati yuma bulupra wengamidi, jen keca bokra, kange deriramidi, jen kikimanpu jerami. Tonda dipru men welimdidaramidi, telep kangepu doupra kurami. Tonda, Allah er si eremna tep, “Allahda er pio telepe,” pepra er si eremamipa, amutu yuma, Allahdi yuk nesala lyemamudi, dopra deipbaramupa, Yesus tep men di teka tenerami neng cap, tapangamidi, sun denge weik kupbarami.

‘Allah er peseryada, akeca-keca yuma gum kupkamre taru konum damai kupyopda, nedi nesala ban-ban yuma tep, ne Sambala weika di karepkamne. Sun nyapu cap, sun ner nyapu capdi, Allah er upu katuai lap penkamenge. Sun kaber nengda, tupa bukmengedipu kene utopu keca epkamenga deiki di, ne upu lap penkamsene. Sun wisi nengda, kene mapmenga deiki di, ne upu lap penkamsene.

Yesus teka tenerami neng yumadi, kikiman kuramidi, sun taleami keca yuma, ‘Ne mawa,’ tenena gum di, kikimanpu karepdaramidi, akeca yumada wisipra talerami. Ada, sun talerami keca dopra kunumamidi, ware neng do yuma, atumi-atumi sun putapnetopu, dopra karerdarami.

Ukupyopda, ware neng do yuma, “Allahdi melipkamnere” tenen, nun nai Allah er si pepra moronung nengda, Allahdi anesala lyepkamre ja.’ “Allahdi peamupa, Yoeldi sekeipseu upu konum pepsene,” Peterusdi pepu.

Pio ila tumi, nun nai er mambul tumi, kapul yankamre taruda, ketengda, pio kunukamre. Warda, yapi bi utopu pio lyunkamre.