Popular Bible Verses from Rasul 1

Share

Dinino, Allah er Lek Sambala sun dipruai yana wekseredi, puto weik karepserepa, dopropkamrume. Dopromumdi, Yerusalem kunge nesala cap, Yudea tara kunge nesala cap, Samaria tara kunge nesala cap, mutu sirik im sirik kunge nesala cap, ne kuramsinge cap, peteremamsipa gekeramrumnge cap, dopra peterep embenkamrume,” Yesusdi pepu.

Asipterepipa, Yesusdi aneng tep tamupra pepu. “Ne nai er puto deiyo cap, er talepka deiyo cap, akeca dipu, ‘Ataru ukupkamne, atumi ukupkamne’ tenen, men di tenepudi, konum wepra deipu ngeda, akecada, sun deiyo gum tep, men kael keptume. Erdi sun tep men lap pepkamsere.

Yesus cap, er nyapu cap, kikiman tup kunmaidi, jen jepi taru, tenpu tumi di, ‘Tek sisi kunkameng’ tenen, aneng tep aupu peipu. “Sunda, Yerusalem tapra yuk mutu men benkamrume. Ne naidi, ‘Akeca tek sisi tali karepkamsene,’ peipupa, ne peteremamsipa gekeramrum kecada, ‘Tek sisi karepkamsere’ tenen, dinapu kunkamrume,” pepu. “Uda, Yohanesdi nesala dopra me pumbonpu dongoramu dinin, amenda taru, Allahdi er Lek Sambala dokoteprepa, sun dipruai wekamre pepsene,” Yesusdi pepu.

Yesus er kange mun keca yuma konum dopropudi, er wepra deipu neng tep, ‘Er tek sisi gam bukmare, tenepkamneng’ tenen, sun damai belepra tekembaramudi, ‘Yesusda, tek sisi konum gam buku,’ tenepmengedi, kange bongtona gum dipapu, ‘Tek do, telel do, men tenepkameng’ tenen, pio tek sisi keca weika di pel dopudi, er wepra deiamu neng tep yana lap pepu. Tonda, ton tumi di, ton tumi di, denge weik 40 tumi deiki di belepra tekembaramudi, Allahdi teka tenenung neng lyepseredi taleserur upu, er nyapu tep lap peramu.

Yesus aupu konum pepkopda, sun adinmai tarupu, Allahdi Yesus dopra im deiki welenmauanen, dua kan-kan weku pangeda, dua di leliproupa, sun men epi.

Men epi dinin, er tupa welenmau taruda, sun tupa urasin ereiya dinmaipane, nimi butene kurun opkal keamrei neng dato-dato di menmena aneng damai tengyarei. Tengyareidi aupu peprei, “Sun Galilea mutu nesalao, aca tekrapmumdi, warya tep im dup pio dinmarum do? Sun damai Allahdi Yesus dopra im deiki welepmar ngeboda, sun asuru di epmarumpa, im deiki welepmara utopu, amenda taru erpu tamupra yankamre,” peprei.