Popular Bible Verses from ดอ โฆว 26

Share

แตห แม กอย แบน แคต แคง มืง ตี. เซ แม โบง ปาย ตี โอว ดี กอย รึม โดบ แม. โอว ดี ม็องการา ดัว ดี แม. โอว ดี ดัว มืง เฆ ตี ดี แม บอ ดี เฆ ดูอี อาโมยว แม อี ดี ตัห นา ปัน. โอว ดี โบง ปี ดึอม กาลาง โอว ดอ ดัว โอว กาดีก ซัดฌา ดี ฆูณ แม อี จืร อาบราฮัม.

โอว ดี แตห หลูกหลาน แม กืน ปี ซีมัณ อี กอย แคง เบลณ. โอว ดี ดัว มืง เฆ นี ดี หลูกหลาน แม. โกบ หลูกหลาน แม ตี, โอว ดี ม็องการา แตห เฆ ดูอี ดอน โมยว อี กอย แดง กาดาย ดอน นา ดอน โปละ. โอว ดี โบง โตต ปาย ตี โกบ แฮะ ดึอม โทม อาบราฮัม ตึอน โฆรห โอว, โกบ โบง อัน ปี หมาณ โอว ดี อัน บอ โดบ ดารา โอว, โบง ปี จัร โอว, ตู ปีว ปี มาโนว โอว ดี อัน.”

วาย อัน ตี เฆ วี ฆึห อึม คึม ปอ อู โบ็ง. เฆ อาว ฮู ลาย กาแทณ ลอง อัน ตี. ปัน ตี เฆ แตห อึม คึม ตี จืร เรโอวโบด. ลอง ดาง อัน มูห โดง กาว็อห. อาแซก วี ต็อห, “ดอ ตี นี เฌาพรา แฮะ ดัว เย มึห โดง กาว็อห แคง มืง นี, แตห เย ปึอน ดี แบร ดอน โปละ.”

อาต ฮาว อัน, เฌาพรา แฮะ กาปลูห, กาลาง โฆรห ดี อัน. อัน เฌา แฮะ ต็อห, “แม แกวะ โลง มืง แอฆึบ. แตห แม กอย แคง มืง ปี ดี กาลาง โอว ดี แม.

โดง ตี อาแซก วี โบง กาโช็ง หลู ดี เฌาพรา. อัน บอ กรึบ เฌาพรา. ปัน ตี อัน วี คยัะ ทึบ บีก อัน ดี ตี. เฆ หมาย อัน วี ฆึห อึม คึม ดี ตี.