Popular Bible Verses from Luc 17

Share

Ŋa Zezi na nde ndi: «Temehe, dziehe, oyalihi o we omi vusuha we.»

Ŋa nde osoŋo we amihi ntsaami ma odziila a mui omo, nde se oya na aviriha amihi ntsaami mpili e we ndi: “Me emi mono obi”, we se obolihi nde.»

Omo o ntsa bo, omono ndi nde omi wuuma, oyi na avuriha, na okuusa lekuma le Ndziami nkara yulu. Nde ovi o ntsina nyiili e Zezi mpaa o ntsie, ompi nde leve. Ŋa balaha dzia eki osi Samari.

Lesa ayiba! Muana nguhu a we osa mbiini, we owobi na nde yemiŋi. Ŋa nde okaala eku we obolihi nde.

Ŋa Zezi ndi: «Bo aso a kuumi aka wuuma ni? Ŋa maamo a wa, ali kuni?

Ŋa Nkumu okaali na bo ndi: «Be leki ma oka na oyalihi oli na okiehe mva lemburu le otaade, kaa be lebuuna oduha na oti a sikomoore yu mbri: “Wunaha, dziehe na akuna nyuru we anku ntsa okeri”, nde se onyiimi be.»

Mvuuru asaha okiele lebihi le nde, adze oyele lo. Avusaha lebihi le nde, adze okiele lo se.

Zezi na aluoni a nde ndi: «Maami ma atuma baari osa ambiini ma aka adze oyele ni, ŋa ndoho eka na mvuuru aya na mo. Tata akuri nde kele e nini o nkii, atuni nde ntsa okeri onini. Ŋa nde i ma buuna otuma muana onkere se omo osa ambiini ni.

Maami ma ayiri o ntini e Nowe, ma adze oka se osuumbu dzu dzua, mva tsuhu e Muana mvuuru adze oya. Baari aki ma adza, ma anyua, ma yaha akaasi ma abaala, ma mpa baana a bo ma akaasi se ma abaala. Tii ngo o tsuhu e Nowe anyunihi ntsa mbuungu. Oduumbu a mvula onohi, ntuuna eyi, baari akui aso.