Popular Bible Verses from Maalʉko 12

Share

ɄYeesu ahamʼmwamula huje, “Ɨngoosi ya yɨɨnɨ, ‘Tejeelezyi muBhaizilaeeli! ɄMwɨnɨ ʉNgʉlʉbhɨ, ʉNgʉlʉbhɨ weetu, ya yʉ Mwɨnɨ mwene. Ʉnʼganaje ʉMwɨnɨ ʉNgʉlʉbhɨ, ʉNgʉlʉbhɨ waaho hu mwoyo gwaho gwonti, hu wʉʉmi waaho wonti, hu njeele zyaho zyonti na hwi‑ikhone lyaho lyonti.’ Ɨndajizyo ɨngoosi ɨyamwabho ya yɨɨnɨ, ‘Ʉnʼganaje ʉmʼpalamani waaho nanshi shʉ‑ʉhwigana aawe.’ Ɨndajizyo ɨyɨnjɨ yɨ‑ɨli ngoosi ashile ɨzi zibhɨɨlɨ nɨɨmo.”

ɄYeesu lwa waalola ɨzyo, ahabhakwizya abhasundwe bhaakwe, ahabhabhʉʉzya ahaga, “Lyoli ɨhubhabhʉʉzya huje, ʉnʼshɨ ʉyo ʉmʼfwɨle ʉmʼpɨɨna afumiizye ɨnsangu ɨnyinji ashile bhonti zya bhafumiizye. Ɨnjanjile ɨsho, pɨpo abhantu abhanjɨ bhonti bhafumiizye ɨzya pa mwanya mu winji wɨ tabhazi waabho. Leelo, ʉnʼshɨ ʉmʼfwɨle ʉnʉ hwope sha mʼpɨɨna mansi, afumiizye vyonti vya‑ahali navyo vya vyahamʼmwavwaga mu wʉʉmi waakwe.”

ɄYeesu ahabhala akhale pa pɨɨpɨ nɨ shɨlɨɨlo ɨsha‑afumizye ɨnsangu mu lubhaga lwɨ nyumba ɨmfinjile ɨya Ngʉlʉbhɨ. Ahenyaaga abhantu abhinji sha bhafumya ɨnsangu mu shɨlɨɨlo muula. Abhatabhazi abhinji bhahafumyaga ɨmpɨɨya zinyinji mu shɨlɨɨlo. Ahɨnza ʉnʼshɨ ʉmo ʉmʼfwɨle ʉmʼpɨɨna, wope ahafumya ɨmpɨɨya ʉtusenti tubhɨɨlɨ lwene.

Nantele, lyoli huje, ‘Ʉnʼganaje ʉNgʉlʉbhɨ hu mwoyo gwaho gwonti, hu wʉʉmi waaho wonti, hu njeele zyaho zyonti na hwi‑ikhone lyaho lyonti’ na ‘Ʉnʼganaje ʉmʼpalamani waaho nanshi shʉ‑ʉhwigana aawe’ zyɨ ndajizyo ngoosi haani. Lyoli, shinza abhombe ɨzyo zyonti ashile ɨmpuuto zyonti ɨzya‑afumye ɨnsangu ɨzya‑alʉngʉlɨzye ɨvyʉma nɨ nsangu ɨzyɨnjɨ.”

ɄYeesu ahabhabhʉʉzya huje, “Ɨshi, ɨvintu vya Kayisali mumʼpeelaje ʉKayisali, nɨ vya Ngʉlʉbhɨ mumʼpeelaje ʉNgʉlʉbhɨ.” Bhonti bhahanʼswiga haani.