Popular Bible Verses from Luuka 5

Share

Lwa waamala amanyizye, ahamʼmʉʉzya ʉSiimoni ahaga, “Twala ʉwaato pa pibhiiye, ɨpo mwisye ɨnyeelo zyenyu, mwele ɨnswɨ.”

ɄSiimoni ahamʼmwamula ʉYeesu ahaga, “Wee Mwɨnɨ, tibhombile ɨmbombo ɨya hwele ʉsiku wonti, saga tizyajile nka zimo. Leelo, alɨngaane na‑aje, ʉyanjile aawe, ɨnza hwisye ɨnyeelo.” ɄSiimoni na bhamwabho bhahiisya ɨnyeelo zyabho. Lwa bhiisya, bhaheela ɨnswɨ zinyinji tee, ɨnyeelo zyope zyahanzaga adaduuhane.

leelo hahinji ʉmwene ahabhalaga hwa saga bhali abhantu huje, apuute.

Anɨ saga ɨnɨnzɨle hubhakwizye bha bhahwilola huje bhagolosu, ndaadi! Ɨnɨnzɨle hubhakwizye abhabhomba mbiibhi huje, bhalambaje.”

ɄSiimoni ʉyo itaawa lyakwe ɨlyamwabho bhahagaga Peeteli, lwa waalola ɨzyo, ahasugamila pa manama ga Yeesu, ahaga, “Wee Mwɨnɨ, ɨhulaabha ʉyeepe paliinɨ, pɨpo anɨ ɨndi mʼmomba mbiibhi.”

ɄYeesu ahabhaamula ahaga, “Abhantu bha saga bhabhinile lwonti, saga bhahumʼmwanza ʉnʼganga, lyoli abhabhinu bha bhahumʼmwanza ʉnʼganga.

Ɨpo bhahazitwala ɨnyaato zyabho panshɨnjɨ pa nsʉmbi, bhahazileha zyonti pɨnɨɨpo, bhahanda humʼmɨnjɨɨlɨle ʉYeesu.

Isiku limo ʉYeesu ahatʉʉha mwi‑ibooma limo ɨlya hu mukowa ʉgwɨ Galilaaya. Ʉmwo ahali ʉmuntu ʉmo ʉwɨ mpʉngo ɨyɨ makete ʉmʼbɨlɨ gwonti. Ʉmuntu ʉla lwa wanʼnola ʉYeesu, ahagwa kupama pa nsi, ahanʼnamba ahaga, “Wee Mwɨnɨ, ɨmɨɨnye huje, ʉbhajiiye humponie na hunsangalusye. Nkashele ʉgɨɨne, ɨlaabha ʉmponie na hunsangalusye.” ɄYeesu ahagolosya ʉnʼkhono gwakwe, ahamʼpalamansya ahaga, “Ɨhwanza. Pona na‑asangalushe!” Ahabhaazyo hɨnɨɨho amakete gahamʼmwepa mu mʼbɨlɨ gwakwe.

Leelo ɨnongwa ɨzya Yeesu zyahonjelelaga anyampaane ɨmbali zyonti. Abhantu abhinji bhahabhʉngaanaga hunʼtejeelezye na‑apone ɨmpʉngo zyabho