Popular Bible Verses from ƗMbombo ɨzya Bhasontwa 3

Share

Ɨshi mulambaje, munʼgalushile ʉNgʉlʉbhɨ huje, abhakhobhoshele ɨmbiibhi zyenyu, nka hɨnze ahabhaazyo aha hwobhoshe afume hwa Mwɨnɨ ʉNgʉlʉbhɨ.

Leelo, ʉPeeteli ahamʼmʉʉzya ahaga, “Anɨ saga ɨndi nɨ mpɨɨya awe ɨzahaabu nka zimo, leelo lyɨ‑ɨmbajiiye hulibhombe, ɨnza hubhombele. Ɨhubhʉʉzya hwi‑ikhone lya Yeesu ʉKilisiti ʉwa hu Nazaleeti, ɨmɨɨlɨla, jendaga!”

Ɨpo ʉPeeteli ahanʼkhata ʉmuntu ʉla ʉnʼkhono ʉgwa hu lɨɨlo, ahamʼmwɨmɨɨlɨsya. Pɨnɨɨpo lwene ɨnyaayo na mafugamo agɨ manama ga muntu ʉla vyahabha ni‑ikhone. Ahatomoohana, ahanda ajende yʉʉyo. Ahatʉʉha mu lubhaga lwɨ nyumba ɨmfinjile ɨya Ngʉlʉbhɨ peeka nʉ Peeteli nʉ Yoohani, ahajendaga ʉmwo, ahatomohanaga na hunʼsalifye ʉNgʉlʉbhɨ.

Ʉmuntu ʉnʉ wa muhunʼnola na humʼmanye, aponile pɨpo timʼmwɨtɨɨshe ʉYeesu. ɄYeesu nʉ lwɨtɨho lwa tambɨlɨɨye afume hwa mwene, vya vimʼponiizye lwonti ʉmuntu ʉnʉ, nanshi mwenti sha muhunʼnola.