Popular Bible Verses from યોહાન 16

Share

મા તુમાલા યી ગોઠ યે સાટી સાંગનાવ, કાહાકા તુમી માના ચેલા આહાસ તેને કારને તુમાલા શાંતિ મીળ, દુનેમા રહતાહાસ તાહા તુમાલા દુઃખ મીળહ, પન હિંમત રાખા, કાહાકા મોઠા ભૂત જો યે દુનેના અધિકારી આહા તેલા મા હરવી દીનાહાવ.”

પન જદવ તો સત્યના આત્મા યીલ, તદવ તુમાલા દેવને બારામા જી બી સત્ય આહા તી તુમાલા સાંગીલ, કાહાકા તો તેને અધિકારકન નીહી બોલનાર, પન દેવ સહુન તો આયકીલ તી જ બોલીલ અન જે ગોઠી યેવલા આહાત તી તુમાલા સાંગીલ.

આતા પાવત તુમી માને બાહાસ પાસુન કાહી નીહી માંગલા, માંગસાલ ત મીળીલ તાહા તુમના આનંદ ભરપુર હુયી જાયીલ.”

તરી પન મા તુમાલા ખરા જ સાંગાહા, કા મા જાયીન તી તુમને સાટી બેસ આહા, કાહાકા જો મા નીહી જા, ત તો સહાય કરનાર તુમા પાસી નીહી યેનાર, પન જો મા જાયીન ત તેલા તુમા પાસી દવાડી દીન. અન તો યીની દુનેને લોકા સાહલા પાપ, ધારમીકતા અન નેયને બારામા દોસી સાબિત કરીલ.

યે રીતે જ તુમાલા બી આતા દુઃખ હુયહ, પન મા તુમાલા ફીરી મીળીન તાહા તુમી આનંદમા યી જાસેલ અન કોની તુમા પાસુન તુમના આનંદ હીસકી નીહી લેનાર. તે દિસી તુમી માલા કાહી નીહી સોદસેલ, મા તુલા ખરા જ સાંગાહા, જો માને નાવકન બાહાસ પાસી કાહી માંગસે, ત તો તુમાલા દીલ.

મા તુલા ખરા જ સાંગાહા, કા તુમી માને મરન માગુન પકા રડસેલ અન દુઃખમા રહસેલ, પન દુનેના લોકા આનંદ કરતીલ, તુમાલા દુઃખ હુયીલ, પન જદવ મા જીતા હુયી ફીરી યીન તાહા તુમના દુઃખ આનંદમા બદલાયજી જાયીલ.