Popular Bible Verses from યોહાન 15

Share

મા દારીકાના યેલ આહાવ, અન તુમી ડાખળે આહાસ, જો કોની માને હારી એક હુયી જોડાયજી રહહ તેને હારી મા પન એક હુયી જોડાયજીની રહાહા, અન તો પકા ફળ લયહ, કાહાકા માને પાસુન દુર રહીની તુમી કાહી પન નીહી કરી સકા.

તુમી માને હારી જોડાયજીની રહજા, જીસા ડાખળી યેલમા રહનાર નીહી ત ફળ નીહી દી સક, તીસા જ તુમી માનેમા રહલે વગર પદરને રીતે ફળ નીહી દી સકા, તેને ગત તુમી માનેમા નીહી રહા ત કાહી પન ચાંગલા કામ નીહી કરી સકા.

જો તુમી માનેમા એક હુયી જોડાયજીની રહતાહાસ, અન માના સીકસન તુમનેમા રહીલ ત તુમી જી કાહી માંગસે તી મા પુરા કરીન.

તુમી માલા પસંદ નીહી કરલા પન મા તુમાલા પસંદ કરનાહાવ અન તુમાલા નેમનાહાવ, કા તુમી જાયીની ફળ દે, અન તુમાલા કાયીમ ફળ યે, કા જી કાહી તુમી માને નાવકન માને બાહાસ પાસી માંગસેલ, તો તી તુમાલા દે.

કોના પાસી ઈસા દાખવુલા સાટી આહા કા, તો તેને દોસતાર સાહલા માયા કરહ, યે કરતા દુસરી મોઠી કની પદ્ધતિ નીહી આહા કા તો દોસતાર સાહલા બચવુલા સાટી મરી પન જાહા.

જે અખે ડાખળે માને હારી જોડાયજેલ આહાત, અન ફળ નીહી દેત, તેલા તો કાપી ટાકહ, અન જે ડાખળી ફળ દેહે તેલા તો પકા ફળ યે તે સાટી ચોખલી ટાકહ.

“માની આજ્ઞા યી આહા, કા મા તુમાવર જીસા માયા કરાહા, તીસા જ તુમીહી એક દુસરેવર માયા કરા.

માને બાહાસના મહિમા ઈસા કરી હુય, કા તુમી પકા ફળ દે, તાહા જ તુમી માના ખરા ચેલા બનસે.

મા ખરા દારીકાના યેલ આહાવ અન માના બાહાસ સેતકરી આહા.

જો કોની માને હારી એક હુયી જોડાયજીની નીહી રહ, ત તેલા કાપી ન ટાકી દીજહ. જદવ તે ડાખળે વાળી જાતેહે ત તેહાલા ગોળા કરીની પેટવી દેતાહા, અન તાહા તે પેટી જાતેહે.

મા યે ગોઠી તુમાલા યે સાટી સાંગનાહાવ, કા તુમાલા પન તોજ આનંદ હુય જો માનેમા આહા, અન તુમના આનંદ ભરપુર હુય.

જો તુમી માની આજ્ઞા પાળશે, ત માને માયામા તુમી એક બની રહસે જીસા મા માને બાહાસની આજ્ઞા પાળનાહાવ, અન તેને માયામા એક બની રહનાહાવ.

યે ગોઠીસી આજ્ઞા મા તુમાલા યે સાટી દેહે, કા તુમી એક દુસરેવર માયા કરા.”

જો તુમી દુનેને લોકાસે ગત રહતાસ ત દુનેના લોકા તુમાલા પદરને લોકાસે ગત માયા કરતાત, પન યે દુનેને લોકાસે હારી તુમની સંગત નીહી આહા, કાહાકા મા તુમાલા દુનેને લોકા માસુન પસંદ કરી લીનાહાવ, તે સાટી યે દુનેના લોકા તુમાવર દુશ્મની રાખતાહા.