Popular Bible Verses from मार्क 7

Share

कारण कि माणुस ना मन सर्वा प्रकार ना वाईट ना झरा शे. म्हणजे तेना मधून गंधा-गंधा विचार, शारीरिक गंधा संबंध, चोरी, व्यभिचार, हत्या. लोभ, दुष्टपना, छळ, लबाळ पणा, दुसरास्वर बयान, निंदा, गर्व, आणि मूर्खपणा निघतस. ह्या सगळ्या गंधा गोष्टी मन मधूनच निघतस आणि त्या माणुस ले परमेश्वर पुळे अस्वीकार्य बनावस.”

अस काय बी नई शे, जे बाहेरून कोणता माणुस ना मधमा जास, जे तेले रिवाज ना नुसार अशुद्ध बनाई सकस. पण, ते जे त्या माणुस मधून बाहेर येस, तेच तेले अशुद्ध करस.

येशु नि तेस्ले उत्तर दिधा, कि “यशया नि परमेश्वर ना पुस्तक मा जी भविष्यवाणी करी, ती तुमना सारखा कपटीस्ना बारामा खरी शे. तुमी लोक मना बारामा गैरा चांगला बोलतस, पण तुमी खरोखर मना शी प्रेम नई करतस.

एस्ना व्दारे मनी उपासना करतस, ती व्यर्थ शे, कारण कि ह्या लोकस्ले माणसस्ना द्वारे बनायेल आदन्यास्ना पालन कराले शिकाळतस. (जशी कि ती मनी आदन्या शे)

कारण कि तुह्मी परमेश्वर ना आदन्या ना पालन करान सोळी दियेल शे, आणि आजोबास्ना रीतीरिवाज ले पालन करतस.”