Popular Bible Verses from मार्क 11

Share

एनासाठे मी तुमले सांगस कि जे काही तुमी प्रार्थना करीसन मांगशात, त विश्वास करा कि परमेश्वर नि पयलेच तुमनी विनंती ले स्वीकार करी लीयेल शे, परमेश्वर तुमना साठे हई करीन.

मी तुमले खरज सांगस, कि जो कोणी हवू डोंगर ले सांगीन, “उठ आणि स्वता ले समुद्र मा फेकी दे, आणि तेना मना मा शक नई शे, पण विश्वास शे कि परमेश्वर तेच करीन जो तो विचार करस, तव परमेश्वर तेना साठे तेच करीन.”

येणा सारखा जव कदी तुमी उभा ऱ्हायसन प्रार्थना करतस, कदी कोणा मन मा तुमना विरोध मा काही वाईट अशीन त माफ करा: एनासाठे कि परमेश्वर तुमना बाप जो स्वर्ग मा ऱ्हास, तुमना अपराधस्ले माफ करो.

येशु नि तेले उत्तर दिधा, “विश्वास करा कि जे तुमनी मांगेल शेतस परमेश्वर करीन.”

आणि शिकाळतांना तेस्ले सांग, “काय परमेश्वर ना पुस्तक हय नई सांगस, लोक मना घर ले अशी जागा बोलतीन जठे सर्वा जाती ना लोक प्रार्थना कराले येतस. पण तुमी तेले लुटनारस्नि भरेल गुफा ना सारखा बनाई टाकेल शे.”

कईक लोक येशु ना पुळे पुळे चालनात आणि कईक मांगे, त्या सर्वा खुशिमा ओरडत होतात “होसन्ना” (परमेश्वर नि महिमा होवो) तो जो प्रभु ना नाव वर येस, तेनावर परमेश्वर नि दया शे.

आमना पूर्वज दाविद ना सारखा एक राजा परमेश्वर ना आशीर्वाद कण राज्य करासाठे ईऱ्हायना शे. “होसन्ना” परमेश्वर नि महिमा करा जो स्वर्ग मा राहस.