Popular Bible Verses from માર્ક 5

Share

ઇસુવેં હીની બજ્યેર નેં કેંદું, “બીટી તું હાજી થાએં ગઈ હે કેંમકે તેં મારી ઇપેર વિશ્વાસ કર્યો કે હૂં તનેં હાજી કરેં સકું હે. શાંતિ થી તાર ઘેર જા અનેં તારી આ પીડા વાળી બેંમારી હાવુ પાસી નેં આવે.”

હીનીસ ભીડ મ એક બજ્યેર હીતી, ઝેંનેં બાર વર થી લુઈ સાલવા ની બિમારી હીતી. હીની બજ્યેરેં ઘણં બદ્દ ડાકટરં નેં વતાડ્યુ પુંણ કઇ ફરક નેં પડ્યો, અનેં પુંતાનું બદ્દું ધન ખરસ કરવા થકી હુંદો કઇસ ફાએંદો નેં થાયો, પુંણ વદારે બિમાર થાએં ગઈ.

અનેં તરત એંનું લુઈ સાલવાનું બંદ થાએંજ્યુ, અનેં પુંતે એંના શરીર મ જાણ લેંદું કે હૂં પીલી બેંમારી થી અસલ થાએં ગઈ હે.

અનેં સુરી નો હાથ હાએંનેં હેંનેં કેંદું, “તલીતા કૂમી!” ઝેંનો અરથ હે, “એ સુરી, હૂં તનેં કું હે, ઉઠ”

ઇસુ હાવુ એંમ કેંસ રિયો હેંતો કે તરસ અમુક મનખંવેં ગિરજા ના મુખિયા યાઈર ના ઘેર થી આવેંનેં કેંદું, “તારી સુરી તે મરેં ગઈ, હાવુ ગરુ નેં હુંકા તખલીબ આલે હે?” ઝી વાતેં વેય મનખં કેં રિય હેંતં, હીની વાત ઇપેર ઇસુવેં ધિયાન નેં કર્યુ, અનેં યાઈર નેં કેંદું, “સમકેં નહેં; ખાલી વિશ્વાસ રાખ.”

ઇસુવેં હેંનેં કેંદું, હે ભૂત, એંના માણસ મ થી બારતં નકળેં આવ. તર હેંને માણસેં જુંર થી સિસાએં નેં કેંદું, “હે ઇસુ, મુંટા મ મુંટા પરમેશ્વર ના બેંટા મારે અનેં તારે હું હે? હૂં તનેં પરમેશ્વર ના નામ ના હમ ખાએંનેં કું હે, કે મનેં દુઃખ નહેં આલે.” ઇસુવેં હેંનેં પૂસ્યુ, “તારું હું નામ હે?” હેંને હેંનેં જવાબ આલ્યો, “હમારું નામ સેના હે, કેંમકે હમું ઘણં બદ્દ હે.”