Popular Bible Verses from Luk 12

Share

Lwaṉaṉi ṉwè kè keka pa, konde Ômwaṉa w’ôma e be bya gw’igwèra nyi re ṉwè e pa pikilya.

Ndô wutaṉ’iṉongo ny’Anyambyè; gambèṉè isam̃u yiṉo yôdu yi be kundô gôre ṉwè.

N’awulinyi yè waô inè: Venjavenjaṉ’ikuṽi yaṉi avila g’ôgasô w’aṉiva wôdu, konde em̃èṉo z’ôma zi pa dwaṉa gw’ibuṉa si yom̃a yi nivô yè.

Konde mbôra yi dwaṉ’igumbi nyaṉi, vovo be dwaṉ’irèm̃i yaṉi kè.

Mande gôre ṉwè ko jolye kund’ereṉe z’ôgo gw’elaviṉi zè n’añandi?

Yesu arô buliny’iṉèngi yè inè: Yeṉo mi bulinya ṉwè inè: Ayeṉaṉi añandi g’ômwanja wi m̃èṉo yaṉi, ez m̃a zi be nyô ṉwè, ge g’ômwanja w’ikaṽi yaṉi ezom̃a zi be borô ṉwè.

Vangaṉe itwe si wônjô yaṉi sôdu si re tangô pa. Sambô aryaṉi: aṉw’are njôni vyagaṉô n’inkèṉe sinyenge.

Arya, mw’ôlemba; konde Reri yaṉi are jeṉa pe mbya gô pa ṉwè iṉongo.

Vikilyareṉ’inyoṉi: si pa bèṉa, ge teṉa, sô kè si zele n’inagô s’igumba ge s’inya; ndô Anyambyè e nyeza sô. Njôni nde mpôlô yi re ṉwè pyagaṉa p’inyoṉi!

N’aṉwè, awutaṉi yom̃a yi be nyô ṉwè ge yom̃a yi be jongô ṉwè, ko ayeṉaṉi añandi.

J’Anyambyè abory’am̃aṉi mi re gw’itôve yeṉo mi re ṉèṉo, mèṉè mi falô gw’inu, ko pôrô ṉwè, aworye ṉwè, aṉwè y’ibekely’ijangô?

E zel’ezom̃a pugô pa zi re z’awôm̃unyô, ge jumbuṉô pa zi re z’amyô.