Popular Bible Verses from Joh. 19

Share

Lepa ailo anggur simalaga Jesus, kuanangan, “Atulettungan!” Lukkukngakenangan utenia, sege isegeake engania.

Pasat nene, kele aiagai Jesus atulelean sangamberinia, samba bule ipuaili sinibooi Surat Sipunenan, kuanangan, “Maoggouan aku.”

Kele aiitco inania Jesus samba sipasiului kilibet bagania murio ka bebenia kuanangan ka matat inania, “Ina, ia te togam!” Lepa kuanangan ka matat sipasiuluinia, “Ia te inam!” Ka teteret nenda, alanangan nia sipasiului ka lalepnia.

Tapoi kele araoi ka Jesus, itcorangan atataan nia, taibakbakngakerangan rerenia; tapoi sara ka talagat tai saladdu masipunuake sosoat ka usunia, belanangan logau pagalu oinan.

Aipoi aibara sangamberinia nene, bule ipuaili sitususurat ka Surat Sipunenan, “Beri sara tolatnia tubakbakngake.” Ai leu ruang bagei sipasikukua, “Raiitco leu gati nia sipununda.”

Bairatnangan ailiktengania Jesus mei ka kudduat sipuoni leleu Lakkupat, ka nganganda tai Ibrani: Golgota.

Tikairangan kirit rui tai saladdu, kaurangan nia ka utenia. Leppeiakerangan ka tubunia leppei simabonan