Popular Bible Verses from रोमि 1

Share

नआँ बढ़ियाँः खभेर रे बिसवासेःकू सगोरकू पहील तेदो एहूदिकू, फेर उनानिकू उबर कू लगड, भगवान राः सक्‍ति इदाना, हेनाते इंञ बढ़ियाँः खभेर लाय लगड मेनेंञ गेवुआ।

कहेकि भगवान अबू काःते धरमी होड़कुय बनो बुआ अवुरिय बंचो बुआ, हेन राः बारे ते बढ़ियाँः खभेर लाय यडा; नेन घयते धरमी होड़कू हवे मेनते, भगवान लेखा बू लगड सुरू वरी अखरी अँगम मसीहा थरे बिसवासे रे होयाआ, धरमग्रंथ रे लिखो केना नआँ टेबोः पक्‍काया कि, “धरमी होड़ बिसवास ते जीवातिय दोहोना।”

भगवान दुनियाय बनो तेड वरी होड़कू अगस अवुर धरती अवुर भगवान बनो केडा सगोर चीज कू ञेंलियाडा, हेंकू अनेज राः बेगर ञेंल हेना गुँड़ मतलोब हेंय राः अनन्त सक्‍ति, अवुर हेंकू भगवान राः स्वाभाव कू पना पड़ी दरवारुः तना, इतना तक कि अले भगवान मेने ले पपाड़िआ मेनते एरो कू कहनी सको एना।

सही मेते हेंकू भगवान कू पपाड़िआ हेंडे रेहो, हेंकू भगवान हवे मेनते मेने कू बडेय गडिया, अवुर धन्यावाद हो मेने कू एमगाडिया। हेना राः बदला ते हेंकू भगवान करेःतेय दोहोना मेनते, फलतू फलतू तेकू पसींद लिंबड़ तेडा, एतना कि हेंकू राः निर्बुद्धि मन अंधरा यनु।

भगवान राः बारे ते करा सही गिआ, हेना रे भरोसा रखोय मेनाँः दो झूठ रे भरोसा कू रखो तेडा, हेनाते हेंकू भगवान बनो केडा हेना चीज कू मान दान तेडा, अवुर कू सेवा तेडा, लेकिन बबानोवय दो मेने कू सेवा गडिया, हेंय हमेसा बडेय वय लायिक गिआयू। आमेन।

होड़कू करो वेआ सगोर पाप अवुर बुरा काम रे भगवान अनेज राः खीस सरग वरिय परगाटेआ, हेंकू भगवान राः बारे ते जेतेक जनेक चही उतना सत राः जानकारी रे भरोसा अलो रखोवे मेनते अपन आप कू रोकोआ।

हेनाते भगवान होड़कू बुरा काम राः इक्छा राः कब्जा रेय इकम गोडवडकू, एतना तक कि हेंकू रेनकू कोड़िकू हो कोड़ाकू छोड़ ते, कोड़ी संग कोड़िकू जुमो एना। अवुर नेन घयते कोड़ाकू, कोड़िकू छोड़ ते, कोड़ा संग कोड़ा जुमोः लगड अखीर कू चड वडा, अवुर कोड़ा संग कोड़ा गेव्वाआ काम कू करो तेडा, ने-ना राः चलते ते हेंकू बुरा काम राः भगवान ठीक सजाय ओवड कुआ। कहेकि हेंकू अले राः काम राः सजा भगवान एरोई ओवड लेआ मेनते गलत कू सोचो तेडा। अवुर हेंकू फेर सेते भगवान पपाड़ी लगड मेने कू चहो गना, हेनाते भगवान हो हेंकू राः बुरा बिचार ते भरो केना इक्छा राः कब्जा रेय इकम गोडवडकू, ताकि हेंकू कभी मेने करो वेआ काम कू करोवू।

हेंकू कहनिया, अले बुद्धमान गिआले मेनते, लेकिन हेंकू दो बिलकुल बे-अकील कू बनो यना। महिमा रे दोहोनाय अवुर जुग जुग मेनते दोहोनाय जीवातय भगवान ममानो बगी वते, नासुःकू मनवाँकू, अवुर तितीजकू राः, अवुर जनवरकू राः, अवुर लजतुकू राः बल ते से-नेःकू जीव जन्तुकू राः मूरती बनो केते हेंकुकू मनो तेडा।