Popular Bible Verses from परेरित 2

Share

हेना वरी पतरस हेंकू थरेय कहनी तेडा, “मन पे मिड़ाऊ, अवुर अपे मेंडे सगोरकू अपन अपन पाप राः माफि लगड ईसु मसीह राः ञुमू ते बतिस्मा पे तिला; तबे भगवान राः दान मतलोब पवितर आत्मा पे ञाँमा।

अवुर हेंकू परेरितकू वरी सिक्छा ञँम राः, अवुर संगतिः राः, अवुर रोटी टोवीज राः, अवुर बिनतीः राः रुवाँ धुवाँ रेकू दोहो एना।

हेंकू सींड़कू पवितर आत्मा तेकू भरो यनु, अवुर हेंकू जेयसे न पवितर आत्मा टेबोः लगड सक्‍ति ओवडकू, हेंकू एटाः एटाः भासा तेकू टेबोः एना।

हेनारे अचाकते अगस वरी बँयडोड़ी रूह रूहो मेजुआ घयते एकधँधेह सडी एना, अवुर जे ओड़ाः रेकू दुड़ूब तना, हेना अँधोड़ चुवेर यनु। अवुर हेंकू सेंगेल दिलकोआ धाद घयते अलंग कू ञेंलवाडा, अवुर नआँ अलंग जतकत हनते मिरीज यनु, अवुर सींड़कू थरे मेज ठहरो यनु। हेंकू सींड़कू पवितर आत्मा तेकू भरो यनु, अवुर हेंकू जेयसे न पवितर आत्मा टेबोः लगड सक्‍ति ओवडकू, हेंकू एटाः एटाः भासा तेकू टेबोः एना।

हेंकू रोज दिन मँडिल रे एक सूर तेकू जवारूः दोहो एनु, अवुर ओड़ाः गँड़ी ते रोटी टोवीज अवुर हँसी खुसी ते अवुर साफ मन तेकू जोमुः चरोः दोहो एनु। अवुर भगवान राः स्तुति कू करो दोहो एनु, अवुर सींड़ होड़कू हेंकू थरे खुस कू दोहो एना, अवुर जे जे कू उबारुः दोहो एनु, हेंकू परभु रोज दिन बिसवासिकू सुदाय मिलो गोत्तेकू दोहो एनु।

भगवान कहनिया, ‘कि अन्त राः दिन रे एयसा होयाआ कि ईञाआँ आत्मा सींड़ होड़कुंञ ओवा कुआ, अवुर अपे रेनकू कोड़ा होपोन पेकू अवुर कोड़ी होपोन पेकू भविस्यवाड़ियाकू अवुर अपे रेनकू ढिंगवाकू परभा कू ञें-ला, अवुर अपे रेनकू सपायँड़कू सपना कू ञें-ला।

अवुर बिसवास तेड हेंकू सींड़कू मियाँ मियाँ तेकू दोहोन दोहो एनु, अवुर हेंकू थरे जे-ना दोहो एना, हेना कू हटींग जोम दोहो एनु। अवुर हेंकू अपन अपन राः अन धन अवुर समान केजा केजा ते जेयसे जे जे राः जरूरत दोहो एना, हेंय कू हटींग वय दोहो एनु।

अवुर कनय हो परभु राः ञुमूय ञुमूआँ, हें-नी बंचोआ।’”

परभु राः महान अवुर महिमामय दिन मेजुः वरी पहील ते, बेर अंधरा अयू अवुर बँगो लोहू घयतेय बदलोआ