Popular Bible Verses from परेरित 1

Share

लेकिन अपे थरे पवितर आत्मा मेजुः रे हेंडे अपे सक्‍ति पे ञाँमा, अवुर एरुसलेम अवुर गोटा एहूदा अवुर सामरिया ते अवुर धरती राः अखरी छोर अँगम अपे ईञाः गोवाहिकू पे बनोआ।”

तहाँ ईसु हेंकू थरेय कहनी तेडा, “भगवान अपा फसला केड हेना दिन अवुर समय पपाड़ीः लगड अपे राः काम कोवाआ, नआँ सींड़ टेबोः हें-नी राः हाँथ गाँथ रेआ।

मियाँ एस ईसु हेंकू सुदा जोमुः तोलोगिय कहनी वडकू, “एरुसलेम अलोपे बगिवा बल्कि अपुंञ ईनाम ए-मे लगाडिय जबान केड हेना अनायिन पुरोः मेन दिन तँगिय पे, अवुर इंञ नआँ जबान राः बारे तेंञ लाय वडपेआ। एहुन्‍ना दो दाः ते बतिस्माय एमतेडा, लेकिन कुछ दिन बाद रे पवितर आत्मा ते अपे बतिस्मा पे ञाँमा।”

गोजेन वरी तयोम ते केय्यो एस ईसु जीवत तेकू ञेंलवाडिया। नेन घयते इंञ जीवत गिअंञ मेनाआँ, हेंकू पक्‍का साबूतिय तिःवाड कुआ। अवुर चालीस दिन अँगम मेनतेय देखर एना, अवुर चेलाकू भगवान राः राज राः बारे तेय चेडकू दोहो एनु।

नेंदोरा टेबोईय टेबोः केड राः बाद रे होड़कू राः देखते देखत ते भगवान अगस हनते ईसुय रिम गोःतेडिया, अवुर लिंबिर ते उकू गोत्तेडियू।

हेंय चलोः तोलोग हेंकू अगस हन कू तेरेज दोहो एनु, तहाँ बा होड़ कोड़ाकींञ पुंडी पुँडिआ चमकोआ कपड़ा तुसींञ केते हेंकू बँदे रेकींञ मेन चड़ाँ यनु। अवुर हेंकू थरे कींञ कहनी तेडा, “ए गलील रेनकू होड़कू, अपे सरग हन ची पे तेरेज यडा? ने-नी ईसु, अपे वरी सरग हनतेय रिम गोःयाडिया, जेयसे अपे सरग हनते पे ञेंल गोडवाडिया, हेन घयते फे-रिय मेजुआ।”