Popular Bible Verses from MATEU 5

Share

Chipwe atu keshi kuwika ndeya, akayise mushi lia chisoka, alioze ha chikwachilo cha ndeya, mba muyitemuka kuli waze eswe ali mu zuwo. Chizechene pangu lienu likatemuke kumeso ja atu, hanga akamone yitanga yenu yipema, akachichimieke Tatenu yoze uli mu malilu.

Yenu nuli pangu lia hashi. Limbo lize liatungiwa ha mulundu kulishi kuhasa kuswama.

Kawaha akwa kupema mu mbunge, mumu kumakamona Zambi.

Kawaha waze akwivwa usona ha ululi, ngwe zala ni pwila anevu, mumu kumakakuta.

alioze yami ngunambe kuli yenu ngwami, Zangenu akwa kole jenu, Wahisenu waze akunushinga, lingenu kanawa kuli waze akunuvwila kole, lembenu hali waze akunusaula ni waze akunuhungumiona

Kawaha yiswale mu Spiritu, mumu wanangana wa malilu niwo.

Kawaha yitakanyishi, mumu kumakaavuluka ngwo, Ana a Zambi.

Kawaha waze akulinyenga, mumu kumakaalembejeka.

Kawaha waze anaahungumiona mumu ha ululi, mumu wanangana wa malilu niwo.

Kawaha akwa kwivwa keke, mumu kumakawana keke.

Kunwawaha muze manuchoka, ni muze manuhungumiona, ni muze manulamikiza ungulungulu, mumu hali yami. Wahililenu, likwizenu, mumu kwononona chenu chinene mu malilu: mumu chocho ahungumionene aprofeta waze aliangilile.

Kawaha akwa kushimbika, mumu kumakatunga he hashi.

Yenu nuli mungwa wa hashi: alioze kachi mungwa unasamuka, neka mauyemesa nawa? Kuwatele nawa nichimwe shina kuumbila haze, akauliate kushi lia yiliato ya atu.

Kashika pwenu angunu, ngwe Tatenu wa mwilu kapwa mungunu.

Alioze liji lienu likapwe, ewa, ewa; hanji ka, ka, mumu yeswayo yahiana yino yakatuka kuli mwe mupi.

Hinunevu ngwe achambile ngwo, Liso ha liso, lizo ha lizo: alioze yami ngunambe kuli yenu ngwami, Kanda nukalimika ni ungulungulu: alioze mweswawo makulamba ha tafu lia chindume, mutewulwile likwo nawa.

Alioze kachi liso lie lia chindume mulikutalingisa, litombongonemo, ulimbile: mumu Shinaho utokese chihanda chimuwika, kuchina mujimba we weswe makaumbila mu Ngehena. Nyi kachi kwoko lie lia chindume mulikutalingisa, liteteko, ulimbile: mumu Shinaho utokese chihanda chimuwika kuchina mujimba we weswe maumbila mu Ngehena.