Popular Bible Verses from UPUTUKILO 15

Share

Iye yafuliela Yehova, mba Yehova yamwalwilacho ngwe ululi.

Kulutwe lia yino yuma liji lia Yehova yiliza kuli Apalama mu usolwelo ngwo, Apalama, kanda wivwa woma, yami nguli lukepwe we, kanda nguli kwononona che chahiana.

Yamuneha haze, yamba ngwenyi, Tala kwilu haliapwila walule matongonoshi nyi muhasa kwaalula. Mba yamba ngwenyi, Chocho makapwa akwa munyachi we.

Kumanyi liji lia Yehova yiliza kuli iye ngwo, Yono kechi kupwa swana ye alioze umwe wa kusemuka ku jimo lia yena mwene iye mapwa swana ye.

Mba yamba kuli Apalama ngwenyi, Nyingika pundu akwa munyachi we makapwa njize mu chifuchi hi nicho ko, makapwa ndungo, makaapinjisa makulakaji awana a miaka.

Apalama yamba ngwenyi, Mwene Yehova, yika mukangwaha se ngunayi chishi mwana, mba yono Elieza wa Ndamaseku mahinga zuwo liami?

Ha tangwa lienalio Yehova yakolesa usendo ni Apalama ngwenyi, Chifuchi chino hinachihana ku munyachi we, chize ku lwiji wa Engitu ndo ku lwiji munene, mwe Ufrateze

O ha chisemuko chamuchiwana kumakeza nawa ku kuno, mumu uhenge wa A-Amore te kanda woka.