Popular Bible Verses from Markus 6

Share

Mar waktu itu, orang paleng banya tinggal kong pi-datang par bicara deng Antua dong, sampe dong mau makang jua seng bisa. Tagal itu, Antua bilang par dong kata, “Mari katong pi ka tampa sunyi biar katong bisa ambe waktu sandiri deng ambe sanang sadiki.”

La Antua bilang par dong kata, “Orang seng taru hormat par Allah pung juru bicara di dia pung kampong sandiri, di tenga-tenga dia pung sudara-sudara, deng di dia pung ruma.”

Waktu Antua turung dari parau la lia orang paleng banya tu, Antua rasa kasiang deng dong. Barang, seng ada orang par kasi unju jalang yang batul par dong, sama deng domba sakawang yang kalalerang tagal seng ada orang jaga. Jadi, Antua mulai ajar banya hal par dong.

Di tampa tu Antua seng dapa biking tanda herang satu lai tagal dong seng parcaya Antua. Antua cuma taru tangang di atas satu dua orang yang saki par kasi bae dong. Antua taherang-herang tagal dong seng parcaya Antua. Yesus pi ka kampong-kampong sabala la kasi balajar orang di sana.

Abis itu, Yesus ambe roti lima bua deng ikang dua ekor tu, la angka muka ka langit, la sombayang minta dangke dari Allah par akang. Abis itu Antua pata-pata roti tu, la kasi akang par Antua pung murid-murid par bage-bage akang par orang banya tu. Antua biking bagitu lai deng ikang dua ekor tu. Dong samua makang sampe kanyang. Abis itu, Antua pung murid-murid bajalang kumpul panggal-panggal roti deng ikang-ikang sisa. Samua ada sapulu dua bakol pono-pono.