Popular Bible Verses from Markus 5

Share

Tarus Antua bilang par dia kata, “Nona e, tagal nona parcaya Beta, nona su bae. Pulang jua deng dame tagal nona pung panyaki su seng ada lai!”

Dari orang banya tu, ada parampuang satu yang su sapulu dua taong dapa mens seng barenti-barenti. Dia su stenga mati bula-bale pi ka dokter satu abis satu sampe dia pung kepeng su abis, mar dia seng bae-bae. Mala dia labe tamba saki lai.

Oras itu jua dia langsung bae dari dia pung panyaki tu. Dia sandiri jua rasa kalo dia su bae.

La Antua pegang ana tu pung tangang la bilang par dia kata, “ Talita kum! ” Akang pung arti, ‘Ana e, Beta bilang par se, bangong suda!’

Waktu Yesus masi bicara deng parampuang tu, ada babarapa orang datang dari Yairus pung ruma la bilang par Yairus kata, “Bapa e, bapa pung ana tu su mati, jadi jang biking pastiu Tuang Guru lai.” Mar Yesus seng pastiu deng apa yang dong bilang tu. Antua bilang par Yairus kata, “Jang taku, parcaya sa!”

La Antua bilang par dia kata, “Hoe setang, kaluar dari dia!” Mar dia bataria basar-basar kata, “Yesus, Allah yang Paleng Tinggi pung Ana e! Se ada pung urusang apa deng beta? Beta minta Se janji deng Allah pung nama kalo Se seng siksa beta!” Tarus Antua tanya dia kata, “Ose nama sapa?” Dia jawab, “Beta nama Legion , tagal katong ni banya.”