Popular Bible Verses from যোহননা 16

Share

আংআ না·সংনা ইরাংখো আগানজক জেদাক্কে না·সং আংমুং দংখামানি গিম্মিন গিসিকো থম·থমাখো মা·ন্না। ইয়া হা·গিলসাকো না·সং দুক আরো সিনজেতাখো মান·বিএ দংআ, ইন্দিবা খা·দংবো; আংআন হা·গিলসাকখো হামজক।”

ইন্দিবা উয়া বিবিনি গিসিক জেনসালো রি·বানুয়া উনসালো বিয়া না·সংখো রামা ফিন্নিকে চু·সকগিবা বিবিওনা রা·আংনুয়া। বিয়া আন·থাংওনি খাৎথা আগানজানুয়া, ইন্দিবা খিন্নাগিবাখোন আগান্নুয়া, আরো জেরাং হং·নুয়া উরাংখোবা বিয়া না·সংনা আগান্নুয়া।

দা·আওনা দিপ্পাৎ না·সং আংচা মামুংখোবা বি·খুজা। বি·বো, না·সং মা·ন্নুয়া জেদাক্কোদে না·সংনি হান·সেংআ চু·সকা।

ইন্দিবা আংআ না·সংনা বিবিন আগানিংআ, আংনি রি·য়াংআন না·সংনা নামবাত্তা, মুয়ানা আংআ রি·য়াংজাওদে উয়া দাকচাকগিবা না·সংচা রি·বাজানুয়া। ইন্দিবা আংআ রি·য়াংওদে বিখো না·সংচা ওয়াত্তেতনুয়া। বিয়া রি·বাএ পাপনি গিম্মিন, ইসলনি হা·সিকা গিত্তা রি·য়ানি গিম্মিন আরো ইসলনি বিচালনি গিম্মিন মান্দিরাংখো সিমসাকেতনুয়া।

উয়ানদাক্কে না·সংবা দা·আও দুক মা·ন্নিংজক; ইন্দিবা দা·আবা না·সংমুং আংআ গ্রংনুয়া, আরো উনোন না·সংনি খা·থং খুসি হং·আও গাপনুয়া আরো উয়া খুসি হং·আখো না·সংচাখো দারাংবা রা·সেকজানুয়া। উনসালো না·সং আংচা মামুংখোন সিং·জানুয়া। আংআ না·সংনা বিবিন আগানিংআ, না·সং আংনি বিমুংও আপফাচা জেখো বি·নুয়া উখো বিয়া না·সংনা হ·ন্নুয়া।

আংআ না·সংনা বিবিন আগানিংআ, না·সং গ্রাপনুয়া আরো দুক মান·বিনুয়া ইন্দিবা হা·গিলসাকনি মান্দিরাং হান·সেংনুয়া। না·সং দুক মা·ন্নুয়া, ইন্দিবা জা·মানো না·সংনি উয়া দুক দংজানুয়া; বাত্তেসা না·সং হান·সেংনুয়া।