Popular Bible Verses from যোহননা 15

Share

“আংআন আংগুর বিফাং, আরো না·সং উনি ডালারাং হং·আ। সাবা আংও দংখামোদে আরো আংআ বিও দংখামোদে ইন্দিদে বিনি জাংগিও বিথি বাং·বাত্তে নাংআ, মুয়ানা আংনা আগ্রে না·সং মামুংখোবা দাকনা মান·জা।

আংও দংখামবো আরো আংআবা না·সংনি খা·থংও দংখামনুয়া। আংগুর বিফাংও দংখামজাওদে জেদাক্কে ডালা আন·থাংথাংআন বিথি নাংএতনা মান·জা উয়ানদাক্কে আংও দংখামজাওদে না·সংবা আন·থাংথাংআন বিথি নাংএতনা মান·জা।

না·সং আংও দংখামোদে আরো আংনি খাৎথারাং না·সংনি খা·থংও দংখামোদে না·সংনি হা·সিকা গিত্তান বি·বো; না·সংনি গিম্মিন উখো দাকনুয়া।

না·সং আংখো বাচ্ছিয়ে রা·জা, ইন্দিবা আংআন না·সংখো বাচ্ছিয়ে রা·এ কাম দাক্কেতজক জেদাক্কে না·সংনি জাংগিও বিথি নাংআ আরো না·সংনি উয়া বিথি দংখামা। ইন্দাকোদে আংনি বিমুংও আপফাচা জেখো বি·নুয়া উখো বিয়া না·সংনা হ·ন্নুয়া।

সাবা রিপ্পেংথাংনি গিম্মিন আন·থাংনি জাংগিখো হন·চাকোদে বিনা বাত্তে বাং·এ খা·সাগিবা সাকসাবা দংজা।

আংনি বিথি নাংগিজাগিবা ডালারাংখো বিয়া দে·ন্নে গাল্লা, আরো বিথি নাংগিবা ডালারাংখো বিয়া রংথালেতা জেদাক্কোদে উনো বাং·বাত্তে বিথি নাংনা মা·ন্না।

আংনি গি·য়েতা ইয়ান, আংআ জেদাক্কে না·সংনা খা·সাজক উয়ানদাক্কে না·সংবা সাকসা সাকগিপ্পিননা খা·সাগ্রিকবো।

না·সংনি জাংগিও বাং·বাত্তে বিথি নাংওদে আরো ইন্দাকে না·সং আন·থাংথাংখো আংনি জা·রিকগিবা ইন্নে ফিন্নিকোদে আংনি ফাগিবানি রাসং হং·নুয়া।

“আংআন আংগুর বিফাং চং·মত আরো আংনি ফাগিবা গি·গিবা হং·আ।

সাবা আংও দংখামজাওদে দেন·গিবা ডালারাং গিত্তান বিখো হা·ফালচা গাল্লেতা আরো উয়া সিক্রেপাংআ। উনোন উয়া ডালারাংখো চিম্মংএ ওয়া·আলো গাল্লা আরো উরাং খাম্মাংআ।

“ইয়া খাৎথারাংখো আংআ না·সংনা আগানজক জেদাক্কে আংনি হান·সেংআ না·সংনি খা·থংও দংখামা আরো না·সংনি হান·সেংআ চু·সকা।

আংআ আংনি ফাগিবানি গি·য়েতা গিম্মিকখো মানিয়ে জেদাক্কে বিনি খা·সাওন দংখামা, উয়ানদাক্কে না·সংবা আংনি গি·য়েতাখো মানিওদে না·সংবা আংনি খা·সাওন দংখামনুয়া।

ইয়া গি·য়েতাখো আংআ না·সংনা হ·ন্নিংজক, না·সং সাকসা সাকগিপ্পিননা খা·সাগ্রিকবো।

না·সং ইয়া হা·গিলসাকনি হং·ওদে মান্দিরাং বিসংনি আন·থাংনি মান্দি ইন্নে না·সংনা খা·সানুয়ামিং। ইন্দিবা না·সং ইয়া হা·গিলসাকনি হং·জা, বাত্তেসা আংআ হা·গিলসাকনিখো না·সংখো বাচ্ছিয়ে রা·জক ইন্নে হা·গিলসাকনি মান্দিরাং না·সংনা মিৎচিয়া।