Popular Bible Verses from Ukumuga 6

Share

Kabogu tsingula baIsrael rie: Menu la Fumu! Nyulengasana bisalu abi bisi Egypte bedutsoyisili, nyuduwaka kalala o buviga buogu. Na mangolu mami nyubakilisa na mukilu agulabana ava nyudujeyisila.

Nyuduvaga batu bami, nyuba Nsambi enu. Mbana dujaba yiri menu Fumu nyivu Nsambi enu agumalengasana bisalu abi bisi Egypte bamadutsoyisila.

Menu Fumu nyudukotisa o bulongu abu nyimavangana uvega ombu Abraham nʼombu Isaac nʼombu Jacob; menu Fumu nyuduvega bulongu abu nyimavangana uduvega. Anana Moise amayetsingulila baIsrael tumba basamamugulu mu diambu digoma na ditsoga dibuviga.

Fumu amatsingula Moise rie: Namapapa gulaba adi nyuvayila Pharaon; mangolu mami momutsotsa uwensa baIsrael, mangolu mami momutsotsa nesi ubabinga o bulongu buandi.