Popular Bible Verses from Migaga Mimatubula 8

Share

Rangiminanu Fumu Nsambi enu mu mbari la jandi aguduvega mangolu ubudila na ewarisi nesi namunyi pangini andi aji amavangana na bataji benu.

Nyiina, amaduvongula; amadusingisa ugulu nsala mbana amadulisila manna meni ama jenu dusamalejabanga, ama bataji benu basamajaba wandi, dimalabana udulonsa yiri mutu agedilili monyu na biguji buandi, tumba egudilili na motsu amepalili mu munu uFumu.

Rangiminanu nsila jiotsu aji Fumu Nsambi enu amaduruma uvioyila o kumu te na magumana mabilima uduvongula noduweliga ujaba mirima mienu, nolaba yeri dudedila vo dugodedila migaga miandi.

Kebananu, duyatasa rie: Mangolu metu mamatudilisa busina buebubu.

Kebananu, duyalibana Fumu Nsambi enu nobusa ukelisa maruma mandi na malongi mandi na migaga miandi abi nyiduveyi namunyi.

Rangiminanu yiri Fumu Nsambi enu edukilisi nana mutu ekilisili muana andi.

Ava dujangilanga nogukurungu dugabusilanga Fumu Nsambi diboti mu diambu dibulongu buboti abu oduvega.

Dukelisanga migaga miFumu Nsambi enu, dudedila duganu duandi na dumudumanga.

Jandi agumadulisila manna ajisamalejabunu na bataji benu o kumu, uduvongula noduweliga nodurombisa maboti o gusu.

Ava dujangilanga nogukurungu, ava durungilanga notsananga mu mandagu maboti ava dulabila bangombi benu na bindombu bienu na binsabi bienu na lora enu jivema na lora bifuningi wandi na biotsu abivu nenu bifuningi, kebananu yiri dugoba na dunangu na yiri dugolibana Fumu Nsambi enu agumadupalisa o buviga buEgypte.

Fumu Nsambi enu odukotisa o bulongu buboti, bulongu abuvu na bivela na bileka na biliba abivuvingi o bibususu no mikongu. Bulongu abuvu na ble na orsa na mirayisan na mifiga na migeranada na mioliva nesi buji. Bulongu abu dujanga biguji ne uviolila na dugogambu na yima: bulongu abu mamanyi mavu madilu na o julu tsimikongu dupakilanga kunga.

Dukelisanga na dukipanga migaga miotsu ami nyiduveyi namunyi yiri dukefu, mbana dufuna na dudila bulongu abu Fumu amavangana uvega ombu bataji benu; abuba abuenu.

Biduaru bienu bisamafu na makulu menu masamaranda te na magumana meni motsu mabilima.

Jandi agumaduwendisa o kumu eni jineni na jibi ajivu banyoga na bakuru mu mbura tsigumuga atsigaa na mamba, agumadupalisila mamba mu tindi dimanyi.