Popular Bible Verses from Migaga Mimatubula 6

Share

Ronda Fumu Nsambi agu na murima agu uotsu na matasa magu motsu na mangolu magu motsu.

Gukamalonsanga baana bagu, gukamavosanga ava gubila o ndagu agu nesi mu mulingu nesi ava gusiliminanga nesi ava gusimbuyilanga.

Maruma meni ama nyiguveyi namunyi gumakelisanga o murima agu.

BaIsrael, guluanu! Fumu Nsambi etu avu Fumu mosi buandi.

Gukamatunga nderi bilimba va makaka magu na nana yirangumunu va mbami agu.

Gukamasona mu makutu mandagu agu na mu biabutsu biagu.

Gudumanga Fumu Nsambi agu, gumuyitsanga na gulevanga pesi yika na diina diandi.

Fumu Nsambi agu ogukotisa o bulongu abu amavangana na bataji bagu: Abraham na Isaac na Jacob yiri oguvega buonyi. Gudila misiengi mineni na miboti ami gusamarunga ndeʼ beni, mandagu amamabasa na minongu miotsu mimaboti ama ndeʼ beni gusamabasa na biduna bimamba abi ndeʼ beni gusamatima na manungi na miri amiburi mioliva abi ndeʼ beni gusamavara. Ava gubijanganga na gugukurulu, guyalibana Fumu agumagupalisa o buviga o bulongu buEgypte.

Guluanu malongi na maruma na migaga abi Fumu Nsambi enu amaruma udulonsa yiri dubikipanga o bulongu abuba abuenu: yiri dudumanga Fumu Nsambi enu te na bilumbu bienu biotsu, jenu na baana benu bababaala na bategula benu bababaala, dukelisanga migaga mieni miotsu na maruma motsu abi nyimaduruma, yiri dununanga.

Guvaganga amavu masungama na amavu maboti va gusu Fumu. Mbana gulabanga ubueji na gudila bulongu buboti abu Fumu Nsambi amavangana uvega bataji bagu

mu mbari Fumu Nsambi agu aguvu nagu avu Nsambi diwavi. Kebana yiri Fumu Nsambi agu agogunyoyila kabu nogugusula va butamba.

Guyaduka bansambi bangana, bansambi babatu abetsani nagu

Duyamanga Fumu Nsambi enu nana dumamumangila o Massa.