Popular Bible Verses from Migaga Mimatubula 11

Share

Dukamalonsanga baana benu, dukamavosanga ava dubilanga o mandagu menu nesi mu milingu nesi ava dusiliminanga na ava dusimbuyilanga wandi.

Tsiyisanu mambu ama nyidutsinguli nderi mavu mabaka va mirima mienu. Dukamatunga nderi yilimba va makaka menu nana birangumunu va mambami menu.

Pa duikelisingi migaga ami nyiduveyi namunyi, pa duirondingi Fumu Nsambi enu pa duimusalilingi na mirima mienu miotsu na matasa menu motsu, onoyisa mfula o bulongu buenu mu temu tsiwelimina, nesi mfula jitega nesi jiusita na dugumbiyilanga ble nesi malamu nesi matsi.

Durondanga Fumu Nsambi enu dumusalilanga nokipanga malongi mandi na migaga miandi na maruma mandi temu tsiotsu.

Guluanu namunyi nyidujabisi miula na milogu: miula pa dudedila migaga miFumu Nsambi enu ami nyiduveyi namunyi: milogu pa dugededila migaga miFumu Nsambi enu na pa duipembuyi nsila aji nyidulonsi namunyi nokota o muyitsa ubansambi bangana aba dugejabi.

Dukamasona mu makutu mamandagu menu na mu biabutsu bimandagu menu. Bilumbu bienu na bibaana benu abi dutsananga o bulongu abu Fumu amavangana uvega bataji benu biuba bipuela; munongu mosi nana julu na butamba bigotsiemuga, bilumbu bienu bigosuka wandi.

Kebananu, duyakedunsa noliyila Nsambi enu nsima nosalila bansambi bangana nobakutimina.