Popular Bible Verses from Taneng 26

Share

O paca'ofay to licay no maapaay a tamdaw i, malcad toya maapaay a tamdaw kiso. Ka o sowal no maapaay a tamdaw ko sapaca'of to maapaay a tamdaw, ta mafana' cingra to nika caay ko citangalay cingra.

Saliyaliyaw sa a maapa ko dmak no maapaay a tamdaw, matiya o waco a patatikol a komaen to niota'an nira.

Ano awa ko kasoy i, mapadeng ko namal, malcad tonini, ano awa ko ngaliwngiway i, tomrep ko kacacolicoli.

O mikarkaray to rfong a mitalakal i, cingra ko matfaday a tahalakal, o miwalinay to fokloh i, cingra ko mastolay no niwalinan ningra a fokloh.

Ma'arawayto iso ko citangalay kako sanay a tamdaw haw? Oyaho a maapaay a tamdaw ko adahi i cingraan.

Caay ko kakiharen iso a dmak, ano mikihar kiso a macacoli i, malcad to miktilay to tangila no i lalanay a waco.