Popular Bible Verses from Maroko 4

Share

Lowad sato ci Yis, a palimo'ot to fali <<Katomrep!>> palimo'ot haca to taplik <<Kasaysayto!>> han Ningra. Trep sato ko fali. Sarimadac sato koya fanaw. Ta pasowal sa Cingra to nisawawaan Ningra, <<Nawiro matalaw kamo? Nawiro awaayho ko paso'lin no faloco' namo saw?>> han Ningra.

Tata'ang ko talaw nangra. Saka, sasowasowal sa cangra, <<O maan hakini konini a tamdaw, halofali ato taplik a mitngil to sowal Ningra?>> saan.

Citatangalan sa ci Yis a mafoti' i pakaikor no tamina itiya. Palalen no nisawawaan ci Yis a somowal, <<Singsiaw, o mamapatayto kita i, caay pikihar Kiso saw?>> han nangra.

Pasowal sa Cingra i cangraan, <<Pina'on a miharateng to nitngilan namo a sowal. Ano o maan ko sapilatang namo a pafli i, orira ito ko sapilatang no Kawas a pafli i tamowanan. Mangalef ko nipihaen no Kawas i tamowanan.

Pasowal sa ci Yis, <<O Kitakit no Kawas i, matiya o pifolsak no ccay a tamdaw to sapaloma i sra. Yo mafoti' cingra to dadaya, lomowad cingra to dafak i, fahal molngaw a lomahad koya sapaloma. Caay ka fana' koya tamdaw to nika masamaan ko nika lomahad noya sapaloma.

Pitngil kamo, o pakatngilay ko tangila a tamdaw,>> saan.