Popular Bible Verses from ŋɩru ŋun ŋapɩlo duwəjo 2

Share

nal buṯrus eicɩno, wɩrlal ga ŋuɽun ŋalo ŋun ŋɩki, nyababṯaijɩni nyaŋa wei gi jiri jeḏi yecu kɩrisṯo kani ŋwajəbɩrijo ŋuɽuna ŋalo ŋun ŋɩki nanyalape gwuɽɩwə gwun gwɩpiḏo pɽul ga dino.

naljaḏaṯa ḏiḏir gi ḏalɩmia ḏeḏi duwəjo nalɩməṯo, ŋaliŋɩro ŋɩmaga, nalbɩleṯɩnya gia ganu, naṯɩluməḏɩjo eloŋu.

na luŋa wei nalenyeḏe gwuɽɩwə ganu gwun gwɩpiḏo pɽul nalau ḏuməḏo ḏiro kajakaja ḏiro gi gwune ḏəḏɩlo gwuɽɩwə.

gwune jil ŋɩdɩgə na ŋuɽun gwulə kanyin ŋiro gi ḏɩron ḏutu nulṯimɩnanega nuenyeḏe duno gwun gwijɩne. na diŋɩla aŋino lagin diro gi igo nalgəgɩnyeḏe ganu ŋwuɽelo ŋwagin wei. na luŋa wei nalenyeḏe gwuɽɩwə ganu gwun gwɩpiḏo pɽul nalau ḏuməḏo ḏiro kajakaja ḏiro gi gwune ḏəḏɩlo gwuɽɩwə.

na bubruṯ laṯaɽuwaḏe ldu kwu dunu gweḏi elo gwun gwubuḏo dugwor de detɩdo, nalbɩleṯɩnya gia ganu gi lɩdunu gi lɩdunu, nalʼe ḏidila ḏe ganu dugwor de detɩdo. naṯɩlorṯeḏa eloŋu na liji wei naldile ganu lagin. na ŋwamon wei naṯi gwele baḏeica liji kɩniso lun lar ləkədəḏɩni ga.

elo gwarno, ŋwamon ŋweḏi gɩdo ganu nyi gwadoija gwuɽɩwə gwi gi liji wei, na nyaɽe nyalo na nyera nyalo nyaje nyuməḏɩjo liji ŋuɽuna ŋun ŋaŋijilɩlo elo, na jamal jalo jaje jaŋu ŋuɽuna gi jei ganu jagin ŋiro gi gwume, na nɩmon nalo nun niro ləmɩnyo naje nal ŋwume e

na wei lun ləmɩnyɩḏo wei laginŋu naləṯi ŋɩdio ŋagin laginŋu. naṯɩleḏɩla ŋɩdio ŋagin naṯɩlunijo liji wei laginŋu, ŋiro gi gwune bunyilo gwete gwete gwun gwibɩɽaṯo ŋɩdio.

na wei lun laṯorniḏe galo jiri je jeḏi gwele gwun gwiro elo ləkədəḏɩni ga.

gwerre ganu lamon lɩbuḏo liŋir late lɩmila leḏi gwele gwun gwiro elo no, anyin yərimi ganu na uwə gwəmɩdini ŋuwəno